Pandarayuhan

Ang pandarayuhan o imigrasyon ay ang tawag sa pagpunta o pag dayo ng isang tao/grupo ng tao sa isang lalawigan, barangay, bayan, ibang bansa o isang mas malayong lugar. Sa Estados Unidos, tinatawag na new immigrant o "bagong dayuhan" (bagong dayo, bagong imigrante) ang isang mandarayo o imigrante na dumating sa Estados Unidos noong simula ng dekada ng 1880. Samantala, tinatawag namang old immigrante (dating dayuhan, dating dayo, matandang imigrante) ang isang imigrante na dumating sa Estados Unidos bago ang dekada ng 1880.