Marsella

Ang Marsella (Pranses: Marseille, Oksitano: Marselha o Marsiho, Inggles: Marseilles), kilala sa lumang panahon bilang Massalia (mula sa Griyego: Μασσαλία)^[1][2], ay ang ikalawang pinakamalaking lungsod sa Pransiya, kasunod ng Paris, na may populasyong 852,395 sa mismong lungsod na may laki na 240.62 km² (93 mi²). Ang teritoryong urbano ng Marsella ay lampas pa sa bakuran ng lungsod at ang populasyon ay higit sa 1.4 milyon^[3] na may laki na 1,204 km² (465 mi²). 1.5^[4] o 1.6^[5] milyong katao ang naninirahan sa buong kalakhan ng Marsella, sa gayon ito ang ikatlo sa hanay ng mga kalakhang Pranses, kasunod ng Paris at Lyon. Matatagpuan sa timog-silangang baybayin ng Pransiya sa Dagat Mediteraneo, ang Marsella ay ang pinakamalaking daungang pangkalakalan ng Pransiya at pinakamalaking lungsod na Pranses sa gilid ng Mediteraneo. And Marsella ay ang kabisera ng rehiyon ng Provenza-Alpes-Costa Azul, at gayun din ng lalawigan ng Bocas del Rodano. Ang mga mamamayan nito ay tinatawag na Marseillais.

Marsella Marseille
big city, daungang lungsod, commune of France, college town
Watawat Eskudo de armas
Mga koordinado: 43°17′48″N 5°22′35″E / 43.2967°N 5.3764°E / 43.2967; 5.3764
Bansa	Pransiya
Lokasyon	arrondissement of Marseille, Bouches-du-Rhône, Provence-Alpes-Côte d'Azur, Metropolitan France, Pransiya
Itinatag	600 BCE (Huliyano)
Bahagi	Talaan 1st arrondissement of Marseille, 2nd arrondissement of Marseille, 3rd arrondissement of Marseille, 4th arrondissement of Marseille, 5th arrondissement of Marseille, 6th arrondissement of Marseille, 7th arrondissement of Marseille, 8th arrondissement of Marseille, 9th arrondissement of Marseille, 10th arrondissement of Marseille, 11th arrondissement of Marseille, 12th arrondissement of Marseille, 13th arrondissement of Marseille, 14th arrondissement of Marseille, 15th arrondissement of Marseille, 16th arrondissement of Marseille, first sector of Marseille, second sector of Marseille, third sector of Marseille, fourth sector of Marseille, fifth sector of Marseille, sixth sector of Marseille, seventh sector of Marseille, eighth sector of Marseille
Pamahalaan
• mayor of Marseille	Benoît Payan
Lawak
• Kabuuan	240.62 km2 (92.90 milya kuwadrado)
Populasyon  (1 Enero 2021, Senso)
• Kabuuan	873,076
• Kapal	3,600/km2 (9,400/milya kuwadrado)
Sona ng oras	UTC+01:00, UTC+02:00
Websayt	https://www.marseille.fr

Ang Marsella ay nagtataglay ng klimang Mediteraneo. Ang bakasyunang panahong tag-init ay umaabot sa anim na buwan, mula Mayo hanggang Oktubre, bagaman sa Abril din ay may mga panahon na mataas pa sa 20 °C (68.0 °F). Ang tag-lamig ay banayad, ang Karaniwang Panahon ay 12 °C (54 °F) sa araw at 4 °C (39 °F) naman sa gabi tuwing mga buwan ng Disyembre, Enero at Pebrero.