Linyang Ueno–Tokyo

Linyang Ueno–Tokyo
Isang seryeng E233-3000 na EMU, isa sa mga uri ng tren na ginagamit ng Linyang Ueno–Tokyo
Buod
Katutubong pangalan	上野東京ライン
Uri	Pampasaherong tren
Kalagayan	Tumatakbo
Lokasyon	Tokyo
Operasyon
Binuksan noong	Marso 14, 2015
(Mga) Nagpapatakbo	JR East
Teknikal
Luwang ng daambakal	1,067 mm (3 ft 6 in)

Ang Linyang Ueno–Tokyo (上野東京ライン, Ueno–Tōkyō Rain), na dating kilala bilang Kumukonektang Linyang Tōhoku (東北縦貫線, Tōhoku-Jūkan-sen), ay isang linya ng riles sa Tokyo, Hapon, na pinapatakbo ng kumpanyang riles na East Japan Railway Company (JR East), na kinukunekta ang Himipilan ng Ueno at Himpilan ng Tokyo, na nagpapalawak ng mga serbisyo ng Linyang Utsunomiya, ang Linyang Takasaki, at ang Linyang Joban patungong timog at papunta sa Pangunahing Linyang Tokaido^[1][2] at pabalik. Nagsimula ang proyekto noong Mayo 2008.^[3] Binuksan ang linya noong Marso 14, 2015 sa isang nabagong tinakdang talaorasan,^[4] at nagkakahalaga ang proyekto ng JPY 40 bilyon.^[1]

Inasahan ang diretsong paglalakbay upang mapagaan ang kasikipan sa Linyang Yamanote at Linyang Keihin-Tōhoku, at nabawasan ang oras ng paglalakbay ng 7 hanggang 10 minuto dahil sa mga tuluy-tuloy na mga tren sa pagitan ng mga linya ng Utsunomiya at Takasaki at Pangunahing Linya ng Tokaido gayun din ang mga tuluy-tuloy na tren na bumabagtas sa Himpilan ng Shinagawa sa Linyang Joban.^[3] Tinatayang mayroon itong mga 320,229 mananakay sa bawat araw noong 2015.^[5]

Simula sa Himpilan ng Ueno, kabilang sa proyekto ang muling paglatag ng mga 2.5 km ng umiiral na mga riles.^[3] Nakonekta muli ang puwang ng isang bagong 1.3 km^[3] ibabaw na kubyerta sa viaduct o mataas na tulay ng Shinkansen malapit sa Himpilan ng Kanda na may mga rampa sa magkabilang dulo mula sa umiiral na mga pagkakaayos.^[6] Ginawa ang probisyon habang ginawa ang konekta sa Shinkansen para sa kalaunang pagpapanumbalik ng tuluy-tuloy na trapiko sa mga Linyang Tohoku.^[7] Nagtayo ang JR East ng mga pasilidad sa pag-iikot ng tren sa HImpilan ng Shinagawa sa Linyang Tokaido, na nagpapahintulot sa walang-hintong tren mula sa Ueno na tumigil doon at bumalik sa hilaga.^[1]

Walang tigil na tumatakbo ang mga tren mula sa Linyang Utsunomiya, Linyang Joban, at Linyang Takasaki sa pagitan ng mga himpilan ng Ueno at Tokyo at nagpapatuloy sa Linyang Tokaido patungo sa Shinagawa (Lahat ng mga tren na umaalis sa Linyang Joban ay natatapos doon), Yokohama,^[8] Ofuna, Hiratsuka, Kōzu, Odawara, Atami, Numazu sa Pangunahing Linya ng Gitnang Tokaido ng JR at Ito sa Linyang Itō. Sa una, hanggang sa 15 mga serbisyo bawat oras ang tumatakbo sa oras ng rurok ng umaga, na nadagdagan sa 20 bawat oras noong 2016.^[9] Ang limitadong mga serbisyong ekspres ng Linyang Joban ay limitado ang serbisyo (Hitachi limit-stop at ang Tokiwa semi-fast) ay pinahaba sa timog ng Ueno sa pamamagitan ng Linyang Ueno-Tokyo, na karamihan sa mga serbisyo ay natatapos sa Himpilan ng Shinagawa.^[10]

Sa kasalukuyan, ang pinakamahabang paglalakbay ng Linyang Ueno-Tokyo ay ang lokal na tren na tumatakbo sa pagitan ng Atami at Kuroiso. Ang kabuuang haba ay 267.9 km at ang oras ng paglalakbay ay halos 4 na oras at 40~45 minuto.^[11][12] Tumatakbo ito sa 5 prepektura (Shizuoka, Kanagawa, Saitama, Ibaraki at Tochigi) sa kabuuan at sa Kalungsuran ng Tokyo.

Isang rekomendasyon ng isang lupon ng pamahalan noong 2000 ang nagmungkahi na ibalik ang koneksyon sa pagitan ng Ueno at Tokyo sa taong 2015, at opisyal na inihayag ni JR East na nakuha nila ang proyekto.^[3] Orihinal na nakatakdang matapos ang proyekto noong piskal na taon ng 2013, ngunit ang pagkumpleto ay naantala dahil sa mga epekto ng lindol at tsunami sa Tōhoku noong 2011.^[9]

• 
  Kinuha mula sa binalak na ruta mula sa timog ng Himpilan ng Akihabara noong Marso 2007
• 
  Kinuha mula sa plataporma ng Himpilan ng Kanda, Oktubre 2009. Isang lagusan o pylon na tulay ang ginagawa upang dalhin ang isang viaduct ng Linyang Ueno-Tokyo. Isang rampa ang makikita sa likuran.
• 
  Isang paskil sa Himpilan ng Sanuki sa Linyang Joban na isinusulong ang maagang pagtatapos ng proyekto. Nababasa ang ulong pambungad bilang Walang paglipat, patungong Himiplan ng Tokyo, patungong Shinkansen.
• 
  Nakataas na seksyon ng Linyang Ueno-Tokyo na ginagawa pa lamang sa mga riles ng Tohoku Shinkansen noong Agosto 2011.

Noong Enero 2014, ipinahayag ng pangulo ng JR East na si Tetsuro Tomita na isinasaalang-alang ng kumpanya ang posibilidad na maiugnay ang Linyang Ueno-Tokyo sa hinaharap na may isang bagong direktang linya ng pagpasok sa Paliparan ng Haneda.^[13] Bagaman nagkaroon ng talakayan sa pagkumpleto ng ekstensyon na ito bago ang Palarong Olimpiko ng 2020, ang plano naisantabi noong 2015 na walang binagay na takdang panahon ng pagsimula ng pagpapabuti.^[14]

• Opisyal na website (sa Hapones)