Аортит
| МКБ-10 | I77.6 |
|---|---|
| МКБ-9 | 447.6 |
| eMedicine | med/158 |
| MeSH | D001025 |
Аортит (лот. aortitis аз юн.-қад. ἀορτή — «аорта») — илтиҳоби девораи шоҳраг.
Аортит шадид, зершадид ва музмин мешавад. Аортити шадид ҳангоми бемориҳои шадиди сироятӣ ё ягон осеб инкишоф меёбад. Аортити музмин дар заминаи аортити шадид, бемориҳои сироятии музмин, хусусан сифилис ва тарбод сар мезанад. Аортит бештар оризаи сифилис аст. Ҳангоми аортит асосан аортаи болорав осеб меёбад. Дар натиҷа дар бемор аневризма ё ногузароии рагҳои иклилӣ рух медиҳад. Дар натиҷаи фишор овардан ба узву бофтаҳои ҳамшафат ё бо хун пурра таъмин нашудани дил сандуқи сина ба дард медарояд. Барои пешгирии аортит бемориҳоеро, ки сабаби пайдоиши он мешаванд, табобат кардан лозим аст.
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Аортит // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.