364

364 (CCCLXIV) பழைய யூலியன் நாட்காட்டியில் வியாழக்கிழமை ஆரம்பமான ஒரு நெட்டாண்டாகும். இவ்வாண்டு அக்காலத்தில் "அகஸ்டசு மற்றும் வரோனியானுசு ஆகியோரின் ஆட்சி ஆண்டு" (Year of the Consulship of Sabinus and Camerinus) எனவும், "ஆண்டு 1117" (பண்டைய உரோமன் அப் ஊர்பி கொண்டிட்டா நாட்காட்டியில்) எனவும் அழைக்கப்பட்டது. நடுக் காலப்பகுதி முதல் ஐரோப்பாவில் அனோ டொமினி ஆண்டுகள் அறிமுகப்படுத்தப்பட்ட பின்னரே இவ்வாண்டுக்கு 364 என அழைக்கும் முறை நடைமுறைக்கு வந்தது.

• பெப்ரவரி 17 – உரோமைப் பேரரசர் யோவியன் எட்டு மாத கால ஆட்சியின் பின்னர் அனத்தோலியாவில் தியானா என்ற இடத்தில் உள்ள பாசறை ஒன்றில் மர்மமான முறையில் இறந்து கிடக்கக் கன்டுபிடிக்கப்பட்டான்.
• பெப்ரவரி 26 – நைசியாவில் உரோமை இராணுவத்தினரால் முதலாம் வலந்தீனியன் பேரரசராக அறிவிக்கப்பட்டார். இவர் வலந்தீனிய அரச வம்சத்தை ஏர்படுத்தி மேற்கு உரோமைப் பேரரசு முதல் ரைன் ஆறு வரை ஆட்சி செய்தான். பின்னர் பாரிசில் நிலை கொண்டு முழுப் பிராந்தியத்தையும் நிருவகித்தார்.
• மார்ச் 28 – முதலாம் வலந்தியனின் சகோதரன் வேலன்சு அகுஸ்தசு என்ற பட்டத்தைப் பெற்றான். இவன் கிழக்கு உரோமைப் பேரரசை தன்யூப் ஆறு முதல் பாரசீக எல்லை வரை ஆண்டான்.

• கிரேக்கத்தின் லாவோதிசியா பேரவை திருச்சபையைக் கேள்விக்குட்படுத்தி, விவிலியத் திருமுறை நூல்களை கொண்டுவர எத்தனித்தது, ஆனாலும் அது தோல்வியில் முடிந்தது.^[1][2]

• கிரேக்கக் கணிதவியலாளர் அலெக்சாந்திரியாவின் தியோன் சூரிய மறைப்பை சூன் 16 இலும், நிலவு மறைப்பை நவம்பர் 25 இலும் அவதானித்தார்.