Cakra

Eusi artikel ieu sigana teu pasti sarta butuh rujukan nu bisa dipercaya. Tingali sawala ngeunaan artikel ieu dikaca sawala.

Cakra nyaéta ngaran pakarang (jamparing) Batara Wisnu anu nitis ka Batara Kresna, wujudna buleud kawas cakram. Musuh anu sakti ogé bisa nemahan pati ku éta pakarang. Unggal tokoh wayang titisan bakal balik deui ka wujud asal sanggeus dipanah pakarang cakra. Pakarang cakra Batara Wisnu disebut cakra Ujaksana. Pakarang cakra sakti milik Arjuna Sasrabahu disebut cakra baskara, sedengkeun cakra sakti milik Bangbang Somantri disebut cakra panggurat lemah. Cakra kembang nyaéta padumukan Batara Kamajaya di Kahiyangan. Cakraningrat nyaéta déwa anu nitis sarta mangrupa wahyu Abimanyu. Cakrawati pamajikan Cakraningrat anu nitis ka Dewi Utari (pamajikan kadua Arjuna).