- 870 – Patempuran Englefield: Urang Viking patelak jeung ménak Æthelwulf ti Berkshire. Para panyerang kadeseh mundur (ka Anglia Wétan), réa urang Danes (urang Viking karuhun urang Dénmark) palastra.
- 1759 – Arthur Guinness mimiti ngajieun bir Guinness.
- 1775 – Perang Révolusioner Amérika: Patempuran Quebec: Pasukan Inggris hasil nadah serangan ti Tentara Kontinéntal pingpinan Jéndral Richard Montgomery.
- 1790 – Efimeris, koran Yunani pangkolotna nu masih kénéh medal nepi ka kiwari, munggaran dipedalkeun.
- 1878 – Karl Benz, nu gawé di Mannheim, Jérman, ngajukeun patén pikeun mesin dua piston nu geus karuhan jalan, sarta hasil meunang paténna di taun 1879.
- 1944 – Perang Dunia II: Hongaria nyatakeun perang ka Nazi Jérman.
- 1944 – Perang Dunia II: Operasi Nordwind, serangan utama Wehrmacht (pasukan gabungan Nazi) ka Garis Hareup Barat dimimitian.
- 1946 – Présidén Harry S. Truman sacara résmi ngabéwarakeun réngséna mumusuhan dina Perang Dunia II.
- 1951 – Perang Tiis: Marshall Plan lekasan sabada ngabagikeun leuwih ti AS$13,3 miliar bantuan luar nagri pikeun ngawangun deui Éropa Kulon.
- 1963 – Féderasi Afrika Tengah sacara resmi bubar, satuluyna jadi Zambia, Malawi jeung Rhodesia.
- 1968 – Tupolev Tu-144 ngapung munggaran, pasawat transportasi sipil supersonik munggaran di dunia.
- 1986 – Kahuruan di Hotél Dupont Plaza di San Juan, Puerto Riko nelasan 97 jalma sarta nyideraan 140 séjénna.
- 1992 – Cékoslowakia bubar sacara daméy, nu nelah ku média minangka Pipisahan Buludru, ngahasilkeun diadegkeunna Républik Céko jeung Républik Slowakia.
- 1994 – Perang Chechnya Kahiji: Pasukan Darat Rusia ngamimitian hiji serangan Taun Anyar ka Grozny.
- 1998 – Mékanisme Niléy Tuker Duit Éropa ngabekukeun niléy mata duit sah di Zona Euro, sarta ngadegkeun mata duit euro.
- 1999 – Présidén kahiii Rusia, Boris Yeltsin, mundur tina pamaréntahan, ngabalukarkeun PM Vladimir Putin jadi pajabat Présidén sarta panggantina.
- 1999 – Pamaréntah AS nyérénkeun pangokolaan Terusan Panama (oge lahan sabudeureunna nu katelah Zona Terusan Panama) ka Panama. Tindakan ieu nedunan kasapukan Torrijos - Carter taun nu ditéken taun 1977.
- 1999 – Pangbajoan pasawat Indian Airlines 814 réngsé sabada tujuh poé ku dibébaskeun 190 panumpang di Bandara Kandahar, Afghanistan.
- 2000 – Poé panungtungan abad 20 jeung milenium ka-2.
- 2004 – Pangbukaan résmi Munara Taipei 101, pangluhur-luhurna panyakar langit di dunia mangsa harita, jangkungna 509 meter.
- 2009 – Boh bulan biru boh gérhana bulan lumangsung babaréngan.
- 2010 – Sababaraha Pucuk Angin narajang kulon tengah jeung kidul Amérika Sarikat, kaasup Wilayah Bagéan Washington, Arkansas; St. Louis, Sunset Hills, Missouri, Illinois jeung Oklahoma, katambah ku sajumlah leutik pucuk angin sawatara jam saméméhna. Kabéhna aya 36 pucuk angin nu narajang, ngabalukarkeun salapan urang palastra sarta karusakan saharga $133 juta.
- 2018 – Tilu puluh salapan jalma palastra sanggeus bangunan sapuluh tingkat di kota industri Rusia, Magnitogorsk rubuh.
Poé peré / poé panginget-nginget
édit
|
Artikel ngeunaan kalénder ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
|