Klan Uchiha (Naruto)
Di Konoha, Klan Uchiha nyaéta klan élit anu loba ngalahirkeun ninja-ninja jénius tur hébat.[1] ku sabab réputasina éta, klan Uchiha dijadikeun pasukan polisi / kaamanan Konoha.[1] Dina manga jeung animé Naruto dicaritakeun, yén klan Uchiha téh téréh lastari, ku sabab ampir sakabéh anggota klan ieu dipaéhan ku Uchiha Itachi, iwal Uchiha Obito, Uchiha Madara, ogé adina Uchiha Sasuké.[1]
Sajarah Klan Uchiha: Warisan Darah Téngu
[édit | édit sumber]Klan Hyuga nyaéta salah sahiji klan anu paling lila cicing di Désa Konoha, klan ieu geus aya di Konoha ti mimiti lahirna Désa Konoha.[2] Jaman baheula aya hiji awéwé ti klan Hyuga anu bogoh ka hiji lalaki asing (Sojobo), nepi ka ahirna awéwé éta nikah jeung lalaki asing éta, nu sabenerna lalaki éta téh lain jelema biasa, malah lain jelema tapi Raja Téngu.[2] Singket carita, sangges 2 taun nikah si awéwé hamil tur boga anak lalaki nu dibéré ngaran Uchiha Madara, tah kecap Uchiha téh miboga harti kipas atawa hihid, nu engké na jadi lambang klan Uchiha.[2]
Sanggeus gedé, Madara tuwuh jadi shinobi nu kuat, ku sabab ngawarisan panon Byakugan (ti indungna) anu nyampur jeung getih Téngu nu matak ngarobah rupa panon Byakugan jadi panon nu lewih kuat nyaéta Sharingan, nu jadi salah sahiji jurus has klan Uchiha.[2] Panon ieu miboga 2 tingkatan nyaéta Sharingan normal jeung Mangénkyou Sharingan, Madara ngamekarkeun 3 jurus panon mangénkyou sharingan nu dibéré ngaran Tsukiyomi, Amatérasu, jeung Susanoo.[3]
Teu lumangsung lila, sanggeus Madara gedé udagan Sojobo mulai katempo, Sojobo ngawinan awéwé ti klan Hyuga lain ku sabab bogoh, tapi ku sabab manéhna hayang miboga awak nu sampurna pikeun wadah nu engkéna bakal nambahan kakuatanna.[3] Teu lila Madara ogé sadar, yén manéhna bakal dipaéhan ku Sojobo Bapana sorangan, ahirna Madara nyieun perjanjian jeung Kyuubi sangkan meunang batuan kakuatan pikeun ngéléhkeun Sojobo.[3] Ahirna Madara nu dibantuan ku Kyuubi gelut jeung Sojobo salila 7 poé 7 peuting.[3] Sanajan maké jurus amatérasu tur dibantuan ku Kyuubi, Madara ngan ukur bisa nyabak buuk na Sojobo, ku sabab teu bisa ngéléhkeun Sojobo, Madara ngan bisa ngurung ku ségel husus, nu bisa dibuka ku kakuatan Kyuubi, jeung 3 urang Uchiha nu boga Mangénkyou sharingan.[3]
Kapungkur dina jaman peperangan nagara shinobi pikeun ngadominasi nagara-nagara shinobi nu séjén, aya dua klan anu katélah klan paling kuat dina éta jaman, nyaéta Klan Sénju anu di pimpin ku Hashirama sénju, jeung Klan Uchiha anu di pimpin ku Uchiha Madara. Dicaritakeun yén Hashirama sénju mineng gelut jeung Madara sacara pribadi, ku sabab capé gelut waé hashirama ngadatangan klan Uchiha pikeun ngayakeun perdamaian, anu ahirna Hashirama jeung Madara babarengan nyieun désa Konohagakuré nu osok disabat Konoha, lila-lila désa nu dijieun ku Hashirama jeung Madara jadi salah sahiji tina 5 désa shinobi nu gedé.[4]
Tuluy, Madara indit ti Konoha sabada nyokot panon adina sorangan, tina kajadian éta ngakibatkeun Hashirama jeung Madara gelut deui di Lembah ahir atawa Valley of The End, nu ahirna di meunangkeun ku Hashirama.[4] Pikeun mieling kajadian éta, ahirna dijieun patung Hashirama jeung Madara, kadua patung éta dijieun ngahapit curug sabari pahareup-hareup.[4]
Ancurna Klan Uchiha
[édit | édit sumber]Dina carita manga jeung animé Naruto, dicaritakeun yén klan Uchiha téh hampir punah lantaran sakabéh anggotana dibantai ku Uchiha Itachi, iwal Sasuké adina.[1] éta kajadian téh teu di caritakeun kunaon panyebabna, mung dina komik aya 2 alesan kunaon Uchiha Itachi maéhan kabéh anggota klanna iwal Sasuké, nyaéta:
- Numutkeun carita ti Madara, yén Itachi nyaah pisan ka Sasuké jeung nyawana Sasuké leuwih hargaan ti Konoha.[5]
- Itachi nyahoeun, yén munculna Kyubi pas Minato ngajabat jadi Hokagé kaopat nyaéta rencana Madara, nu ahirna pamaréntah Konoha nitah Itachi sangkan maéhan kabéh anggota klan Uchiha.[5]
Itachi ogé nyebutkeun yén manéhna maéhan klan Uchiha ku sabab manéhna meunang misi ti pamaréntah Konoha anu nyaho yén klan Uchiha rék ngayakeun kudéta di Konoha anu di pingpin ku Madara.[5]
Jurus Has Klan Uchiha
[édit | édit sumber]Jurus istimewa nu dikawasaan ku klan Uchiha nyaéta jurus élemén seuneu, sapertos Goukakyuu no Jutsu, jurus ieu pikeun ngetés kamampuh anggota klan.[6] Klan Uchiha ogé miboga kamampuh ngamanipulasi jurus panon/doujutsu jeung jurus sharingan anu ngan dikawasaan ku klan Uchiha.[6]
Salian ti jurus panon sharingan, aya deui anu leuwih kuat nyaéta mangénkyou sharingan, nu bisa dibangkitkeun ku sababaraha urang ti klan Uchiha kaasup Sasuké, Itachi, Madara, Jeung Izuna.[6] Sarat pikeun ngabangkitkeun mangénkyou sharingan nyaéta pangguna sharingan kudu maéhan babaturan deukeutna pikeun ngawasaan jurus ieu.[6]
Aya deui nu ngaleuwihan mangénkyou sharingan,nu ngawasaan jurus ieu ngan Madara, ku sabab panon mangénkyou sharingan dipaké tutuluyan nu matak ngajadikeun Madara lolong, ahirna Madara maéhan adina Izuna tuluy dicokot panon mangénkyou sharinganna pikeun dicangkok kana panon manéhna, nu ahirna jadi éthernal mangénkyou sharingan (mangénkyou sharingan permanén).
Sharingan
[édit | édit sumber]Sharingan nyaéta salah sahiji tina tilu doujutsu anu dipiboga ku sakabéh anggota klan Uchiha.[7] Kamampuan utama nu kasohor tina sharingan nyaéta pikeun nurutan tehnik atawa jurus nu pernah ditingali langsung ku sharingan.[7] Salian nurutan téhnik musuh, sharingan ogé bisa dipaké pikeun ngahipnotis.[7]
Sharingan teu kaluar di anggota klan Uchiha ti mimiti gumelar, tapi biasana sharingan kaluar pas dina kaayaan pamakéna keur kaancam, di mana sharingan bisa nyalamatkeun pamakéna.[7] kakuatan sharingan bisa ditingali tina lobana tomoé nu aya dina panonna, nu disebut ségel tomoé.[7] Sharingan Sasuké nu mimitina ngan aya 1 tomoé dina panonna, tuluy nambahan jadi 2 tomoé, nu ahirna basa gelut jeung naruto tomoéna jadi 3 atawa sampurna.[7]
-
Sharingan 1 tomoé -
Sharingan 2 tomoé -
Sharingan sampurna
Mangénkyou Sharingan
[édit | édit sumber]Mangénkyou sharingan nyaéta tingkatan pangluhurna ti sharingan, mangénkyou sharingan boga panampilan nu béda ti sharingan, jeung deui béda ti pamaké mangénkyou sharingan nu lianna, contona mangénkyou sharingan Sasuké béda jeung mangénkyou sharinganna Itachi.[7] Piekun meunangkeun mangenkyou sharingan, diperlukeun pangorbanan nu gedé, nyaéta kudu maéhan sobat dalitna.[7]
-
Mangénkyou Sharingan Itachi -
Mangénkyou Sharingan Izuna -
Mangénkyou Sharingan Sasuké -
Mangénkyou Sharingan Kakashi -
Mangénkyou Sharingan Madara
Rujukan
[édit | édit sumber]- ↑ a b c d Sasuke Archived 2016-03-04 di Wayback Machine
- ↑ a b c d Indo Archived 2011-10-23 di Wayback Machine
- ↑ a b c d e Sajarah Archived 2013-07-04 di Wayback Machine
- ↑ a b c Hashirama
- ↑ a b c "Naruto" chapter 385 Salah ngutip: Tanda
<ref>tidak sah; nama "buku" didefinisikan berulang dengan isi berbeda - ↑ a b c d Jurus
- ↑ a b c d e f g h Sharingan