Jepang

Jepang (Nippon/Nihon 日本 déngékeun (pitulung·info) nyaéta salah sahiji nagara kapuloan di Asia Wétan. Ayana di Samudra Pasifik, wates beulah wetan Tiongkok, Koréa jeung Rusia, sumebar ti mimiti Laut Okhotsk di kaler nepi ka Laut Cina Wétan di kidul. Kanji nu nyieun ngaran Jepang hartina "asal-panonpoé", ku sabab Jepang kadangkala dianggap sabagé "Taneuh tempat bijil panonpoé".

Jepang kasusun ku 3,000 pulo-pulo,^[1] nu mana pulo-pulo gedéna nyaéta Honshū, Hokkaidō, Kyūshū jeung Shikoku, nu mangrupa 97% daratan. Lolobana ieu pulo kasusun ku pagunungan, tur masih gunung seuneu; contona, gunung tangjangkung di Jepang, Gunung Fuji, nyaéta hiji gunung aktif. Jepang nomer sapuluh populasina di dunya, kira-kira 128 juta jiwa. Wewengkon Megapolitan Tokyo, nu ngawengku ibukota Tokyo jeung préféktur sabudeureunna, wewengkon metropolitan panggedéna sadunya, leuwih ti 30 juta panghuni.

Panalungtikan Arkéologi nembongkeun yén kahirupan di pulo-pulo Jepang geus aya dina période Paléolitik Luhur. Dumasar kana catetan ngeunaan Jepang dina buku sajarah Sajarah China ti abad kahiji SM (Saméméh Maséhi).

Pangaruh luar nu diteruskeun ku période isolasi nu panjang mangrupa salah sahiji ciri sajarah Jepang. Saprak maké konstitusi dina taun 1947, Jepang ngagunakeun konstitusi monarki nagara bagian ku ayana kaisar jeung parlemén nu dipilih, Parlemén Jepang.

Kakuatan ekonomi utama,^[2] Jepang nomer dua ékonomina dumasar kana gedéna GDP. Jepang ogé anggota PBB, G8, G4 jeung APEC, sarta no lima anggaran pertahananna. Jepang ogé nomer opat nagara nu ékspor sarta nomer genep nagara nu impor sarta mingpin dina téknologi jeung permesinan.

Dina Basa Jepang kecap Jepang nyaéta Nippon atawa Nihon. Duanana ditulis dina karakter Kanji nu sarua. Basa Jepang Nippon dipaké keur kaperluan resmi, kaasup duit, cap, sarta kagiatan olahraga internasional. Nihon leuwih sederhana dipaké di Jepang. Contona, urang Jepang nyebut manéhna Nihonjin sarta basana Nihongo: hartina "Urang Jepang" sarta "Basa Jepang". Di Jepang ayeuna, Nippon leuwih nasionalis, sarta dipaké ku para kokolot, sabalikan watesan Nihon dina watesan sederhana, sarta dipaké ku sabagéan gedé urang Jepang.

Dina Basa Inggris kecap Jepang asalna ti kulon keur mimiti ruteu dagang. Dina Basa Mandarin kecap Jepang mimiti dipaké ku Marco Polo nyaéta Cipangu. Sanajan kitu, dina Basa Kanton kecap keur Jepang, meureunna mangrupa kecap mimiti Japan, nyaéta Jatbun. Dina Basa Melaya kecap Kanton ieu jadi Japang nu saterusna dipaké ku Bangsa Portugis nu dagang di Malacca dina abad ka-16. Ku sabab kitu padagang Portugis dianggap nu mimiti ngawanohkeun kecap Jepang ka Eropa. Mimiti dipaké dina Basa Inggris dina taun 1577, dibacana Giapan.

Dina Basa Inggris, ngaran nagara sacara resmi nyaéta "Japan". Saméméhna, ditulis lengkep nyaéta "Empire of Japan" tapai saterusna robah dumasar kana konstitusi sanggeus perang. Basa resmi Jepang nyaéta Nihonkoku (日本国), nu hartina "Nagara Jepang."

Artikel Utama: Sajarah Jepang

Hasil panalungtikan arkéologi nunjukkeun yén di Jepang geus aya kahirupan saméméh 500,000 taun ka tukang, salila période Paleolitik Handap. Salila zaman és dina sababara milyar taun, Jepang ngahiji jeung Benua Asia ku ayana jembatan pulo (mimiti Sakhalin di kalér, sarta mungkin nepi ka Kyushu di kidul), nu ngagampangkeun pindahna manusa, sato jeung tutuwuhan ka kapuloan Jepang ti wéwéngkon China jeung Koréa ayeuna.

Tanda-tanda kahirupan sosial dimimitian kira-kira 10,000 SM (Samemeh Masehi) ku budaya Jōmon, dicirikeun ku robahna tina mésolitikum ka néolitikum tina kahirupan moro kana kahirupan nu netep jeung mimiti apal kana tatanen. Benang acan kapanggih sarta baju masih maké tina kulit kai. Kira-kira dina jaman ieu, masarakat Jomon mimiti nyieun guci tina taneuh liat, maké hiasan nu nembongkeun ayana anyaman atawa henteu (Jōmon hartina "pola tali nu dianyam"). Kamungkinan, keramik pangkolotna kapanggih di Jepang, sanajan umurna teu bisa ditangtukeun.

Loba nu percaya, yén Ainu, bangsa pribumi Jepang nu tumetep di Hokkaido, mangrupa katurunan Jōmon tur nunjukkeun penduduk Jepang nu mimiti.

Japan nyaéta nagara konstitusi monarki nu mana kakuatan kaisar kawates kacida. Salaku simbol seremoni, kaisar dianggap salaku konstitusi "simbol nagara jeung ngahijina masarakat". Kakuatan aya dina pingpinan Perdana Menteri Jepang sarta anggota Wakil Rakyat, sedengkeun kakawasaan aya di masarakat Jepang.^[3] Kaisar salaku kapala nagara dina hubungan diplomatik. Naruhito nyaéta kaisar Jepang kiwari.

Di Jepang aya 47 perféktur. Perféktur mangrupa bagian administrasi panggedéna. Unggal perfektur ngalaksanakeun pamilihan gubernur jeung legislatif tur biro administrasi.

Perféktur ilahar kabagi kana wéwéngkon. Wéwéngkon ieu lain bentuk formal, teu pakait jeung pamilihan tur administrasi.

Di handap ieu tabel nu ilahar dipaké nu mana perféktur diruntuykeun dumasar kana wéwéngkonna ti kalér ka kidul.

Wéwéngkon	Préféktur
Hokkaidō	Hokkaidō
Tōhoku	Akita, Aomori, Fukushima, Iwaté, Miyagi, Yamagata
Kantō	Chiba, Gunma, Ibaraki, Kanagawa, Saitama, Tochigi, Tokyo
Chūbu	Aichi, Fukui, Gifu, Ishikawa, Nagano, Niigata, Shizuoka, Toyama, Yamanashi
Kansai	Hyōgo, Kyoto, Mie, Nara, Osaka, Shiga, Wakayama
Chūgoku	Hiroshima, Okayama, Shimané, Tottori, Yamaguchi
Shikoku	Ehime, Kagawa, Kōchi, Tokushima
Kyūshū	Fukuoka, Kagoshima, Kumamoto, Miyazaki, Nagasaki, Oita, Saga
Okinawa	Okinawa

Propinsi saterusna dibagi kana kota, kacamatan jeung désa. Sistim ngaran nu béda aya di Kota Tokyo, nu dibagi kana 23 kota nu disebut kota husus (bagéan luar tina 23 kota husus di Tokyo ngagunakeun watesan nu sarua keur kota, kacamatan jeung désa). Kota-kota (kaasup kota husus di Tokyo), kacamatan, jeung désa dipilih sacara resmi. Tambahanna, kota gedé dibagi kana distrik kota-kota. Distrik kota, teu ngahiji sacara resmi.

	Kota	Préféktur	Populasi[4]
1	Tokyoa	Tokyo	8,535,792
2	Yokohama	Kanagawa	3,602,758
3	Osaka	Osaka	2,635,420
4	Nagoya	Aichi	2,223,148
5	Sapporo	Hokkaidō	1,888,953
6	Kobe	Hyōgo	1,528,687
7	Kyoto	Kyoto	1,472,511
8	Fukuoka	Fukuoka	1,414,417
9	Kawasakib	Kanagawa	1,342,262
10	Saitama	Saitama	1,182,744

^a 23 municipalities. Also capital of Japan.
^b Government Ordinance City only.

Artikel Utama: Geography of Japan

Jepang, mangrupa nagara kapuloan, manjang di beulah wetan Samudera Pafisik basisir Asia. Pulo gedéna, ti kalér ka kidul nyaéta Karafuto (dina kakawasan Jepang: taun 1679-1875), Hokkaido, Honshu (pulo utama), Shikoku, jeung Kyushu. Mairuppo ngaleupaskeun Kapuloan Kuril ( dina Basa Jepang: 千島列島, Chishima Rettō) leuwih ti 800 km kaleureun Hokkaido; Naha di Okinawa di Kapuloan Ryukyu leuwih ti 800 km kaleureun. Tambahan séjénna, kira-kira aya 3,000 pulo leutik nu bisa kaitung ngajadikeun Jepang salaku nagara kapuloan tur leuwih lega. Kira-kira 73% mangrupa pagunungan, nu ngabentuk siga ranté di unggal pulo utama. Gunung pangluhurna di Jepang tur kawentar nyaéta Gunung Fuji kira-kira 3,776 m. Oyakobayama, pangkalérna di Kapuloan Kuril, puncak saljuna (2337 m) langsung kaluar di tengah laut.

Hubungan gawé nu raket tur hadé antara pamarentah jeung industri dina widang teknologi tinggi, merhatikeun dunya pendidikan dibandingkeun keur kaperluan pertahanan (1% tina GDP) ngajadikeun ékonomi Jepang hirup kalawan gancang sarta nagara nu kuat di sagigireun Amérika jeung Eropa.

Kahirupan urang Jepang sacara etnik jeung basa hampir sarua, populasi utama nu saeutik nyaéta Korea Kaler jeung Kidul (1 yuta), Okinawa (1.5 yuta), China jeung Taiwan (0.5 yuta), Filipina (0.5 yuta), sarta Brazil (250,000), sarta minoritas bangsa pribumi Ainu di Hokkaido. 99% masyarakat Jepang ngobrol maké Basa Jepang dina kahirupan sapopoé sarta mangrupa basa indung. Tempo oge: Religions of Japan

Budaya Jepang mangrupa hasil interaksi antara budaya Jomon nu kuat jeung sesana pangaruh budaya luar luar. Tiongkok jeung Koréa nu mimiti mere pangaruh dina waktu budaya Yayoi kira-kira 300 SM. Mesir kuno jeung tradisional India dikombinasikeun dina Greco-Buddhism, mangaruhan kana seni jeung kapercyaan Jepang ti mimiti abad ka 6 M, dimekarkeun ku ngawanohkeun Mahayana Buddhism. Ti mimiti abad ka 16, mimiti asup pangaruh Eropa, sarta pangaruh dominan Amérika sanggeus Perang Dunya ka II.

Sado mangrupakeun salah sahiji budaya Jepang anu loba dilakukeun ku sakumna masarakat Jepang nyaéta budaya nginum entéh anu baheulana datang ti karuhun. Masarakat Jepang ngalakukeun éta budaya dina hiji rohangan husus anu disebut tantami. Numutkeun kana sajarah, buaday sado geus aya ti abad ka-9 anu munggaran dina cutatan kuno Nihon Koki anu dicaritakeun ku biksu Buddha ngarana Eichu ti Cina. Maranéhna ngabogaan kayakinan yéh sado téh lain ngan sauukur nginum entéh hungkul tapi aya unsur etétika anu ngabogaan unsur spiritual.

Jepang ngabogaan olahraga beladiri anu pohara populér, nyaéta Sumo. Sanajan digolongkeun kana gulat tradisional, sababaraha urang masih ngalaksanakeun ta nepi ka ayeuna. Biasana, sumo dilaksanakeun ku dua pegulat anu awakna kentel. Tapi sabenerna olahraga ieu teu nangtukeun aturan beurat. Kanyataanna, anu jadi atlét sumo maran.hna ngagedekeun awak ngarah dina gulat henteu babari éléh digubragkeun ku lawan.

Urang Jepang resep ngayakeun festival. Dina basa Jepang, 'festival' disebut 'Matsuri'. Rupa-rupa festival diayakeun di Jepang, unggal taun, mimitian ti festival usun gugur, taun anyar, kaagamaan, usum panas, jeung saterusna. Matsuri dipigawé henteu ngan sauukur senang-senang hungkul, tapi ngandung unsur spiritual. Urang Jepang ngayakeun festival pikeun ngahormatan jeung nganyatakeun rasa syukur kana barokah anu diparin ku déwa. Unggal matsuri sok dibarengan ku mikoshi. Mikoshi mangrupakeun kuil miniatur. Pamilon festival bakal diarak ngurilingan miniatur. Maranéhna yakin yén mikoshi mangrupakeun tutumpakan anu dipaké ku déwa.

• Conrad Totman, 2000. 'A History of modérn Japan. Blackwell Publishers.'
• C.H. Kwan. 2001. 'Yen Bloc: Toward Economic Integration in Asia.' Brookings Institution Press.
• Bernson, Mary Hammond and Elaine Magnusson, eds. modérn JAPAN: AN IDéa BOOK FOR K-12 TéaCHERS. MULTICULTURAL EDUCATION RESOURCE SERIES. Olympia, WA: Office of the State Superintendent of Public Instruction, 1984. ED 252 486.
• Cogan, John J. and Donald O. Schneider, eds. PERSPECTIVES ON JAPAN: A GUIDE FOR TéaCHERS. Washington, DC: National Council for the Social Studies, 1983. ED 236 090.
• éaST MEETS WEST: MUTUAL IMAGES. Stanford, CA: California Center for Reséarch in International Studies, l980. ED 196 765.
• Kaderabeck, Leslie. THE JAPANESE AUTOMOBILE WORKER: A MICROCOSM OF JAPAN'S SUCCESS. 1985. ED 263 041.
• Murphy, Carole. A STEP BY STEP GUIDE FOR PLANNING A JAPANESE CULTURAL féstival. 1983. ED 238 748.
• Wojtan, Linda S. FREE RESOURCES FOR TéaCHING ABOUT JAPAN. Bloomington, IN: Midwest Program for Téaching about Japan, Indiana University, 1986. ED 270 3891.

• Kalénder Jepang
• Atikan di Jepang
• Transportasi di Jepang
• Tentara Jepang
• Hukum Jepang
• Televisi jeung Radio Jepang
• Masalah étika di Jepang
• Budaya ponsél di Jepang

Resmi

• Kantei.go.jp—Official prime ministerial and cabinet site
• Kunaicho.go.jp—Official site of the Imperial family.
• Ministry of Foreign Affairs—Detailed papers on Japan's foreign policy, education programs, culture and life.
• Shugi-in.go.jp—Official site of the House of Representatives
• National Diet Library (English)

Media

• NHK Online
• Kyodo News
• Asahi Shimbun (English)
• The Japan Times

Pariwisata

• Japan National Tourist Organization

séjénna

• CIA World Factbook—Japan
• Encyclopaedia Britannica's Japan portal site
• Guardian Unlimited—Special Report: Japan
• Atlas Japan Wikimedia, ngandung peta ngeunaan Japan.
• Digawé ku Government of Japan dina Proyék Gutenberg containing the 1889 and 1946 Constitutions

Artikel ieu keur dikeureuyeuh, ditarjamahkeun tina basa Inggris. Bantuanna didagoan pikeun narjamahkeun.