Ekonomia e Gjeorgjisë

Pasuritë natyrore janë të rëndësishme për ekonominë e Gjeorgjisë. Në radhë të parë përmenden burimet e manganit në Çitaurë. Në sipërfaqen prej 140 km katrorë janë vlerësuar rezervat në 250 milion tonë. Në Tkibuli dhe Tkvarçeli është zbuluar thëngjilli. Rezervat në lokalitetin e parë llogariten në 80 milion tonë, e në të dytin 250 milion tonë. Në sasi të vogël shfrytëzohet edhe nafta (100 000 tonë) dhe gazi natyror (45 milion m³).

Në strukturën e industrisë së Gjeorgjisë industria ushqimore merr pjesë me 50 % dhe industria e lehtë me 20 % të vlerës së prodhimaisë. Industria e rëndë është përfaqësuar vetëm me 30 %. Industria e makinave është orientuar në at të automobilave (Kutaisi), lokomotivave (Tbilisi), anijeve (Batum). Përveq këtyre, është zhvilluar elektroindustria në Tbilisi, e instrumenteve dhe e makinave bujqësore në Kutaisi dhe metalurgjia në Rustavë.

Në saje të thëngjillit dhe gazit natyror është zhvilluar industria kimike në Rustavë dhe Tbilisi. Industria ushqimore është më e përhapura gati në të gjitha viset e vendit. Ajo është shumëdegëshe dhe numerikisht më e madhe në saje të lëndëve të para nga bujqësia. Ndër më të rëndësishmet është përpunimi i çajit, i verës, i pemëve, i perimeve dhe i duhanit. Gjeorgjia jep 97 % të prodhimtarisë së çajit të vendeve të Kaukazit. Prej degëve të tjera industriale të përmendim at të tekstilit që është lokalizuar në qendrat e mëdha urbane. Ndër më të rëndësishmet është përpunimi i çajit, i verës, i pemëve, i perimeve dhe i duhanit.

Bujqësia e Gjeorgjisë dallohet me strukturën e kulturave bujqësore. Çaji, perimet jugore, hardhia, janë ato kultura që bujqësinë e Gjeorgjisë e bëjnë të veçantë. Sidomos kultura e çajit ka tendencë të rritjes së përhershme të sipërfaqeve me këtë kulturë. Derisa në vitin 1913 me çaj kishte 1000 ha, sot në plantacionet e kësaj kulture janë më se 56.000 ha. Prodhimtaria vjetore e çajit arrin 77 000 tonë, e pemëve 565.000 tonë, e misrit 225 000 tonë, e grurit 128 000 tonë etj.

Të ardhurat e përgjithshme nacionale të realizuara nga bujqësia në vitin 1998 ishin 38 % e ato nga industria 19 %.

Bankat

1. Bank “Republic”
2. Bank “Tbilbusinessbank”
3. Bank “Kavkasioni”
4. “Bank Credit”
5. “Tetri Bank”
6. “TBC bank”
7. “Bank of Georgia”
8. “People's Bank of Georgia”
9. “Georgian Bank”
10.“Gamabank”
11.“Intellectbank”
12. “Bazisbank”
13. “Post bank of Georgia”
14. “Tbiluniversalbank”
15. “United Georgian Bank”
16. “Bank Cartu”
17. Emporiki Bank - Georgia S.A.”
18. “Procreditbank” (Microfinance Bank of Georgia)
19. “Agro-business bank of Georgia”
20. “Silk Route”
21. “Investbank”
22. “Ziraat Bank of the Republic of Turkey” Tbilisi branch
23. “Caucasus development bank” Tbilisi branch

Commons: Ekonomia e Gjeorgjisë – Album me fotografi dhe/apo video dhe materiale multimediale

Ky artikull me tematikë në lidhje me gjeografinë e Gjeorgjisë është një faqe cung. Ju mund të ndihmoni Wikipedia-n duke e përmirësuar atë.