Liceu Gallatasaraj

Shkolla e Lartë e Gallata Sarajit është një institucion edukativ e arsimor në Stamboll të Turqisë.

Shkolla e Lartë e Gallata Sarajit ka një histori relativisht të gjatë të veprimtarisë dhe të funksionimit të saj. Konsiderohet se një shkollë me emrin Galata Sarayı Humayun Mektebi ka funksionuar qysh nga viti 1481.^[1] Ndërsa vetëm në vitin 1868 në bashkëpunim me Vezirin e Madh të Perandorisë Osmane, ministrin e Punëve të Jashtme, ambasadorin francez në Stamboll si dhe ministrin francez të arsimit u hap ajo e cila njihet si Gallata Saraj Mektebi Sulltani ose Shkolla Perandorake e Gallata Sarajit.^[2] Nga kjo kohë gjuhë e mësimit në Shkollën e Gallata Sarajit në Stamboll u bë gjuha frënge ndërsa edhe ndikimi i këtij institucioni edukativ e arsimor shkoi gjithnjë duke u rritur.^[3]

Zhvillimi historik i këtij institucioni, që nga themelimi e deri më sot mund të periodizohet kështu:

1. Periudha (1481–1868) kur njihej me emrin Galata Sarayı Enderunu Hümayunu.
2. Periudha e modernizimit (1868–1923) kur shkolla njihej me emrin "Galatasaray Mekteb-i Sultanisi" ose "Lycée Impérial Ottoman de Galata-Sérai".
3. Shkolla e Gallata Sarajit si pjesë e sistemi arsimor të Republikës së Turqisë, (1923–1992).
4. Periudha e sistemit arsimor të integruar (1992 – tani).

Në periudha të ndryshme kohore, në Shkollën e Gallata Sarajit studiuan edhe një numër i konsiderueshëm shqiptarësh.

• Mbreti Zogu I
• Ali Këlcyra
• Faik bej Konica
• Murad bej Toptani
• Qazim Mulleti

• Kolegji Robert
• Shoqata evropiane e universiteteve

1. ^ The History of Galatasaray High School Arkivuar 7 prill 2016 tek Wayback Machine Vizituar më 30.05.2016.
2. ^ Gabor Agoston, Bruce Alan Masters: Encyclopedia of the Ottoman Empire 30.05.2016.
3. ^ Haim Gerber:The Social Origins of the Modern Middle East, Lynne Rienner Publishers, Boulder, Colorado, 1987, p.173, ISBN 1-55587-509-2

41°01′58″N 28°58′43″E / 41.03278°N 28.97861°E / 41.03278; 28.97861