Kristin Harila
Kristin Harila (š. njuhčâmáánu 28. peeivi 1986, Čäcisuálui, Taažâ) lii taažâsämmilâš kuárŋudeijee já oovdeb čyeigee.[1] Sun lii kuárŋudâm puoh čuuhijd, moh pajaneh paijeel 8 000 meetter alodâhân. Maailmist toh láá ohtsis 14.[2]
Karrieer
[mute | mute käldee]Ive 2021 Kristin Harilast šoodâi pegâlmâs, tastko sun kuárŋudij tagarijd vaarijd ko Everest já Lhotse 12 tiijmest, mii lâi ulâttâs talle ko saahâ lii nisonijn. Tastmaŋa sun lii cuovkkim jieijâs ulâttâs kuohtii. Ive 2022 sun kuárŋudij siämmáid vaarijd váhá paijeel 9 tiijmest, já ive 2023 tuše 8 tiijmest.[3]
Ive 2023 poođij nubbe-uv ulâttâs, ko Kristin Harila já nepallâš šerpa-uápisteijee Nima Rinji lává kuárŋudâm puoh 8 000-meetteersijd vaarijd suulân kuulmâ mánuppaajeest. Harila já Rinji lává peessâm 14 vääri čookán 92 peeivist. Oovdeb ulâttâs tohhui ive 2019. Talle brittilâš Nirmal Purja, kii lii kuittâg šoddâm Nepalist, kuárŋudij 14 čokked 189 peeivist.[4][3]
Listo vaarij kuárŋudmijn
[mute | mute käldee]
Fáádást eres soojijn
[mute | mute käldee]Käldeeh
[mute | mute käldee]- ↑ HARILA Kristin Jonassen - Athlete Information www.fis-ski.com. Čujottum 11.8.2023. (eŋgâlâskielân)
- ↑ Beaumont, Peter: Norwegian woman claims record time for climbing world’s 14 highest peaks The Guardian. 27.7.2023. Čujottum 11.8.2023. (eŋgâlâskielân)
- ↑ 3,0 3,1 Brecciaroli, Fabrizio: Taažâsämmilâš nissoon lii toohâm värikuárŋudem historjá anarasaavis.fi. 1.8.2023. Čujottum 11.8.2023. (suomâkielân)
- ↑ Norjalaisnainen ja šerpa tekivät vuorikiipeilyn historiaa Yle Uutiset. 15.12.2022. Čujottum 11.8.2023. (suomâkielân)