ᱠᱷᱩᱜ
ᱠᱷᱩᱜ (ᱤᱝᱞᱤᱥᱺ cough) ᱫᱚ ᱢᱤᱫ ᱞᱮᱠᱟᱱ ᱟᱠᱥᱤᱢᱤᱠ ᱯᱨᱚᱠᱨᱤᱭᱟ ᱵᱟᱧᱪᱟᱣᱤᱭᱟᱹ ᱯᱨᱚᱠᱨᱤᱭᱟ ᱟᱭᱢᱟ ᱞᱮᱠᱟᱱ ᱠᱷᱚᱭᱟᱣ, ᱜᱩᱝᱨᱩᱫ ᱥᱮ ᱥᱟᱦᱮᱫ ᱠᱚᱥᱴᱚ ᱠᱷᱚᱱ-ᱮ ᱵᱟᱧᱪᱟᱣ ᱠᱟᱣᱟ᱾
ᱦᱚᱯᱤᱝ ᱠᱷᱩᱜ(ᱜᱷᱲᱤᱝ ᱠᱟᱫᱤ)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱩᱯᱤᱝ ᱠᱷᱩᱜ ᱫᱚ ᱢᱤᱫ ᱞᱮᱠᱟᱱ ᱵᱟᱹᱲᱤᱡᱽ ᱠᱷᱩᱜ ᱠᱟᱱᱟ᱾ ᱱᱤᱛᱚᱜ ᱨᱮᱦᱚᱸ ᱟᱹᱰᱤ ᱜᱟᱱ ᱜᱤᱫᱨᱟᱹ ᱠᱚᱜᱮ ᱱᱤᱭᱟᱹ ᱨᱩᱣᱟᱹ ᱧᱟᱢᱮᱫ ᱠᱚᱣᱟ᱾ ᱱᱤᱭᱟᱹ ᱫᱚ ᱥᱮᱦᱮᱫ ᱡᱟᱜᱟ ᱞᱟᱹᱱᱰᱨᱤ ᱨᱮᱭ ᱟᱠᱨᱚᱢᱚᱱ-ᱟ᱾
ᱠᱟᱨᱚᱱᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱵᱚᱨᱚᱰᱮᱴᱮᱞᱟ ᱯᱟᱨᱴᱩᱥᱤᱥ ᱵᱟᱝᱛᱮ ᱵᱚᱨᱚᱰᱮᱴᱮᱞᱟ ᱯᱟᱨᱴᱩᱥᱤᱥ ᱧᱩᱛᱩᱢᱟᱱ ᱵᱷᱟᱭᱨᱟᱥ ᱛᱮ ᱱᱤᱭᱟᱹ ᱨᱩᱣᱟᱹ ᱫᱚ ᱧᱟᱧᱟᱢᱟ᱾
- ᱱᱤᱭᱟᱹ ᱨᱩᱣᱟᱹ ᱫᱚ ᱟᱹᱰᱤ ᱜᱮ ᱤᱪᱟᱹᱲᱟ᱾ ᱡᱟᱹᱥᱛᱤ-ᱛᱮ ᱠᱟᱹᱴᱤᱡ ᱜᱤᱫᱨᱟᱹ ᱠᱚᱜᱮ ᱧᱟᱢ ᱠᱚᱣᱟ᱾
- ᱱᱤᱭᱟᱹ ᱩᱥᱟᱹᱨᱟ ᱜᱮ ᱪᱟᱵᱟᱜ-ᱟ᱾ ᱵᱤᱯᱤᱴᱤ ᱴᱤᱠᱟᱹ ᱮᱢᱟ ᱞᱮᱠᱷᱟ ᱱᱤᱭᱟᱹ ᱨᱩᱣᱟᱹ ᱠᱷᱚᱱ ᱵᱮᱜᱟᱨ ᱛᱟᱦᱮᱸᱭᱟ᱾
ᱪᱤᱱᱦᱟᱹᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱨᱥᱭᱟᱲ ᱥᱟᱵᱽ ᱞᱮᱱ-ᱞᱮᱠᱟ ᱱᱤᱭᱟᱹ ᱦᱚᱸ ᱨᱩᱣᱟᱹ, ᱢᱩᱸ ᱠᱷᱚᱱ ᱥᱚᱱᱩᱡᱽ ᱡᱚᱨᱚ ᱥᱟᱶ ᱠᱷᱩᱜ ᱞᱮᱠᱟ-ᱛᱮ ᱥᱟᱹᱨᱫᱤᱜ-ᱟ᱾
- ᱵᱟᱨ ᱦᱟᱯᱛᱟ ᱛᱟᱭᱚᱢ ᱠᱚᱲᱟᱢ ᱫᱷᱩᱠᱻᱫᱷᱩᱠᱩᱜ-ᱟ᱾
- ᱡᱟᱦᱟᱸᱭ-ᱮ ᱨᱩᱣᱟᱹᱜ ᱠᱟᱱ ᱢᱤᱫ ᱫᱷᱟᱣ ᱦᱚᱸ ᱵᱟᱝ ᱥᱮᱦᱮᱫ ᱨᱮᱜᱮ ᱜᱷᱚᱱᱚ ᱛᱮᱭ ᱠᱷᱩᱠᱜ-ᱟ᱾ ᱩᱱ ᱜᱜᱟᱹᱲᱤᱜ-ᱮ ᱠᱷᱩᱜ-ᱟ, ᱡᱟᱦᱟᱸ ᱫᱷᱟᱹᱵᱤᱡᱽ ᱠᱷᱟᱨᱟᱜ ᱵᱟᱝ-ᱮ ᱛᱩᱛ ᱟᱠᱟᱜ᱾ ᱟᱨ ᱚᱱᱟ ᱚᱠᱛᱚᱨᱮ ᱯᱷᱩᱥ ᱯᱷᱩᱥ-ᱮ ᱟᱠᱨᱚᱢᱚᱱ ᱛᱟᱭᱟ᱾
- ᱠᱷᱩᱜ ᱚᱠᱛᱚᱨᱮ ᱥᱟᱦᱮᱫ(ᱚᱠᱥᱤᱡᱮᱱ) ᱵᱮᱜᱚᱨᱟᱜ-ᱛᱮ ᱨᱩᱣᱟᱹᱣ ᱟᱠᱟᱱ ᱦᱚᱲᱟᱜ ᱞᱩᱴᱤ ᱵᱟᱝᱛᱮ ᱠᱟᱹᱴᱩᱵᱽ ᱵᱤᱞ ᱦᱩᱭ ᱫᱟᱲᱮᱜ ᱛᱟᱭᱟ᱾
- ᱜᱩᱝᱨᱩᱫ ᱠᱷᱩᱜ ᱠᱟᱨᱚᱱᱟᱜ ᱛᱮ ᱨᱩᱜᱤᱭᱟᱜ ᱠᱷᱩᱜ ᱚᱠᱛᱚᱨᱮ ᱵᱮᱜ ᱦᱚᱸ ᱦᱩᱭ ᱫᱟᱲᱮᱣᱟᱜ ᱛᱟᱭᱟ᱾
- ᱠᱷᱩᱜ ᱚᱠᱛᱚᱨᱮ ᱜᱤᱫᱨᱟᱹ ᱠᱚᱫᱚ ᱥᱩᱥᱛᱷᱚ ᱜᱮᱠᱚ ᱧᱮᱞᱚᱜ-ᱟ᱾
᱑ ᱥᱮᱨᱟ ᱠᱚᱢ ᱜᱤᱫᱨᱟᱹ ᱠᱚᱣᱟᱜ ᱦᱚᱯᱤᱝ ᱨᱩᱣᱟᱹ ᱫᱚ ᱵᱩᱡᱦᱟᱹᱣ ᱛᱮ ᱛᱷᱚᱲᱟ ᱢᱩᱥᱠᱤᱞ ᱜᱮ ᱦᱩᱭᱩᱜ-ᱟ᱾ ᱟᱛᱚ ᱦᱟᱡᱟᱸ ᱢᱤᱫ ᱴᱟᱝᱜᱟᱱ ᱜᱤᱫᱨᱟᱹ ᱧᱟᱢᱮᱭᱟ, ᱮᱴᱟᱜ ᱜᱤᱫᱨᱟᱹ ᱠᱚᱣᱟᱜ ᱢᱮᱫ ᱠᱚᱦᱚᱸ ᱯᱷᱩᱞᱟᱹᱣ ᱯᱷᱩᱞᱟᱹᱣ ᱧᱮᱞᱚᱜ ᱛᱟᱠᱚᱣᱟ᱾ ᱚᱱᱟ ᱚᱠᱛᱚ ᱨᱮᱜᱮ ᱰᱟᱠᱴᱚᱨ ᱠᱚᱴᱷᱮᱱ ᱥᱮᱱ ᱫᱚ ᱠᱟᱹᱲᱩᱲ ᱠᱟᱱᱟ᱾
ᱨᱟᱱ ᱨᱮᱦᱮᱫᱽᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱤᱭᱟᱹ ᱨᱩᱣᱟᱹ ᱧᱟᱢ ᱥᱮ ᱚᱱᱠᱟᱱ ᱧᱮᱞ ᱞᱮᱠᱟᱱ ᱥᱟᱶᱻᱥᱟᱶ ᱰᱟᱠᱴᱚᱨ ᱥᱮᱱᱚᱜ ᱫᱚ ᱡᱟᱹᱲᱩᱲ ᱠᱟᱱᱟ, ᱟᱨ ᱰᱟᱠᱴᱚᱨ-ᱨᱟᱜ ᱯᱚᱨᱟᱢᱚᱨᱥᱚ ᱞᱮᱠᱟ ᱨᱟᱱ ᱨᱮᱦᱮᱫᱽ ᱡᱚᱢ ᱫᱚ ᱦᱩᱭᱩᱜ-ᱟ᱾ ᱟᱨ ᱚᱱᱟ ᱵᱮᱜᱚᱨ ᱦᱚᱸ ᱨᱩᱣᱟᱹ ᱧᱮᱞ ᱠᱟᱛᱮᱜ ᱥᱚᱨᱠᱟᱨᱤ ᱵᱮᱵᱥᱛᱷᱟ ᱦᱟᱛᱟᱣ ᱦᱩᱭᱩᱜ-ᱟ᱾ ᱟᱱᱟ ᱫᱚ,
- ᱥᱟᱦᱮᱫ ᱠᱚᱥᱴᱚ ᱵᱟᱝᱛᱮ ᱚᱠᱥᱤᱡᱮᱱ ᱠᱚᱢᱟᱣ ᱞᱮᱱᱠᱷᱟᱱ ᱚᱠᱥᱤᱡᱮᱱ ᱮᱢᱟ ᱫᱚ ᱡᱟᱹᱲᱩᱲ ᱠᱟᱱᱟ᱾
- ᱯᱩᱥᱴᱤ ᱡᱟᱹᱛᱤᱳ ᱡᱚᱢ᱾ (ᱯᱨᱚᱴᱤᱱ, ᱵᱷᱤᱴᱟᱢᱤᱱ ᱥᱟᱶ ᱢᱤᱱᱟᱨᱮᱞ ᱢᱮᱥᱟᱶ ᱡᱚᱢ᱾
- ᱰᱟᱠᱴᱚᱨ ᱠᱚᱣᱟᱜ ᱯᱚᱨᱟᱢᱚᱨᱥᱚ ᱞᱮᱠᱟ ᱠᱷᱩᱜ ᱠᱚᱢᱟᱸᱣ ᱨᱟᱱ ᱡᱚᱢ ᱚᱪᱩ᱾
- ᱨᱩᱣᱟᱜ ᱠᱟᱱ ᱜᱤᱫᱨᱟᱹ ᱥᱟᱯᱷᱟ-ᱥᱟᱯᱷᱤ ᱫᱚᱦᱚ ᱥᱟᱶ ᱚᱲᱟᱜ ᱠᱚᱦᱚᱸ ᱥᱟᱯᱷᱟ-ᱥᱟᱷᱯᱤ ᱫᱚᱦᱚ᱾
ᱱᱤᱣᱟᱹ ᱠᱷᱚᱱ ᱡᱟᱦᱟᱸ ᱞᱟᱹᱴᱩ ᱦᱩᱭᱫᱟᱲᱮᱜ-ᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱢᱮᱛᱨᱮ ᱢᱟᱭᱟᱢ ᱜᱮ ᱧᱮᱞ ᱫᱟᱲᱮᱜ-ᱟ
- ᱯᱷᱤᱰ
- ᱦᱤᱣᱢᱤᱱᱤᱭᱟ
- ᱢᱮᱱᱤᱱᱡᱟᱭᱴᱤᱥ
ᱨᱟᱱ ᱡᱚᱢ ᱞᱟᱦᱟᱨᱮ ᱰᱟᱠᱴᱚᱨ ᱠᱚᱣᱟ ᱯᱚᱨᱟᱢᱚᱨᱥᱚ ᱠᱷᱟᱱᱜᱮ ᱱᱟᱯᱟᱭᱚᱜ-ᱟ᱾