Aiberdeenshire

Aiberdeenshire
*Aberdeenshire*
*Siorrachd Obar Dheathain*
Aiberdeenshire; Aberdeenshire; Siorrachd Obar Dheathain
	Aiberdeenshire within Scotland
	Coordinates: 57°9′3.6″N 2°7′22.8″W / 57.151000°N 2.123000°WCoordinates: 57°9′3.6″N 2°7′22.8″W / 57.151000°N 2.123000°W
Admin HQ	Aberdeen
Govrenment
• Bodi	Aberdeenshire Cooncil
• Control	Con + LD + Ind (cooncil NOC)
• MPs	Andrew Bowie (Con); Colin Clark (Con); David Duguid (Con);
• MSPs	Alexander Burnett (Con); Mairi Evans (SNP); Gillian Martin (SNP); Stewart Stevenson (SNP); Maureen Watt (SNP);
Area
• Total	6313 km2 (2,437 sq mi)
Area rank	Ranked 4t
Population (mid-2016 est.)
• Total	262,200
• Rank	Rankit 6th
• Density	41/km2 (110/sq mi)
ONS code	S12000034
ISO 3166 code	GB-ABD
Website	www.aberdeenshire.gov.uk

Aiberdeenshire (Scots Gaelic: Siorrachd Obar Dheathain, Inglis: Aberdeenshire) is ane o the 32 cooncil areas o Scotland an a lieutenancie area anaw.

Aiberdeenshire cooncil area disna kiver the Ceitie o Aiberdeen. Hit is nou a sindert cooncil area. Thegither, the modren cooncil area an the ceitie mad up historic Aiberdeenshire - ane o the coonties o Scotland umwhyl bruikit for local govrenment. Athin thir borders, the Coontie o Aiberdeen byds as a registration coontie.

Aiberdeenshire Cooncil haes its heidsteid at Woodhill Houss in Aberdeen; makkin it the anerlie Scots cooncil thats heidsteid ligs ootwi its area's border. Aiberdeenshire haes mairches wi Angus an Perth an Kinross til the sooth, an Hieland an Moray til the wast.

Historie

Aiberdeenshire haes a rich prehistoric an historic heritage. It is the locus o monie Neolithic an Bronze Age airchaeological steids, sic as Langman Hill, Kempstane Hill, Catto Lang Barrae an Cairn Lee. Syn medieval tyms thar hae been a nummer o crossins o the Mounth (a spur o muntainous laund that stents frae the heicher inland reenge til the German Ocean slichtlie north o Stanehyve) throu the-day's Aiberdeenshire frae the Scots Lawlands til the Hielands. Sum o the maist weil-kent an historicalie important trakweys ar the Causey Mounth an Elsick Mounth.

The cooncil area is named eftir the historic coontie o Aiberdeen that haed unalyk bundaries an wis abolisht in 1975 unner the Local Govrenment (Scotland) Act 1973 ti be replaced bi Grampian Regional Cooncil, an five destrik cooncils; Banff an Buchan, Gordon, Kincairdine an Deeside, Moray an the Ceitie o Aiberdeen, wi local govrenment functions skared atwein the twa levels. In 1996, unner the Local Govrenment etc. (Scotland) Act 1994, the Banff an Buchan destrik, the Gordon destrik an the Kincairdine an Deeside destrik war merged ti furm the-day's Aiberdeenshire cooncil area, wi the ither twa destriks becumin sindert cooncil areas.

Demografie

The cooncil area haes aboot 226,871 indwallers, representin 4.5% o Scotland's total, an a 20% eik syn 1981, 50% syn 1971. The ten mukkilest touns in Aiberdeenshire (wi 2004 population estimates) ar:

Peterheid (17,560)
The Broch (12,150)
Inrurie (10,760)
Stanehyve (10,160)
Wasthill (10,060)
Ellon (9,540)
Portlethen (6,770)
Banchry (6,270)
Turra (5,500)
Huntly (4,460)

The population haes a heicher proportion o yunger age groups as the lave o Scotland, reflectin employment-driven immigration in recent decades.

Hydrologie an climate

Thar ar monie rivers an burns in Aiberdeenshire, includin Cowie Wattir, Carron Wattir, Burn o Muchalls, River Dee, River Don, River Ury, River Ythan, Wattir o Feugh, Burn o Myrehouse, Laeca Burn an Luther Wattir. Monie bays an estuaries ar foond alang the sie-coast o Aiberdeenshire, includin Banff Bay, Ythan Estuarie, Stanehive Bay an Thornyhive Bay. Simmers are myld an winters ar forordnar cauld in Aiberdeenshire. Coastal temperatures ar moderatit bi the German Ocean sic that coastal areas ar forordnar cuiler in the simmer an wairmer in winter than inland steids. Coastal areas ar subjek til haar, or coastal fog.