mustazzu

mustazzu s m (pl. mustazzi, chi si usa macari ô postu dû singulari)

1. Dda parti dâ barba ca crisci supra ô mussu e sutta ô nasu. La palora si po’ adupirari ô singulari o puru ô plurali cû stissu significatu.

   Lu re Umbertu I purtava lu mustazzu.

2. Li pila di l’armali chi crìsciunu ntô stissu postu unni crisci lu mustazzu ê cristiani.

   Lu cani mi visti pigghiari lu manciari e s’allicca li mustazzi.

• [mustàzzu]
• AFN: /muˈstat͡sːu/

mus | tàz | zu

mustazzu

Stu sustantivu veni dû grecu μύσταξ chi voli diri “mussu di supra”, a’ traversu dû bizantinu μουστάκιον e poi dû latinu medievali mustaceum.

baffi

varva, pilu, mussu, vucca

• Omu cu setti para di mustazzi, voli diri cristianu valenti, capaci.
• Passari nta lu mustazzu, voli diri fari un tortu a quarchidunu e nun pagàrinni cunsiguenzi.
• Nun aviri mustazzu di fari na cosa, voli diri nun èssiri capaci pi fari quarchi cosa.

• Antonino Traina, Nuovo vocabolario siciliano-italiano compilato da Antonino Traina, Giuseppe Pedone Lauriel Editore (Palermo 1868).
• Vincenzo Mortillaro, Nuovo dizionario siciliano-italiano di Vincenzo Mortillaro. Seconda edizione corretta ed accresciuta, Stamperia di Pietro Pensante (Palermo 1853).
• Michele Pasqualino, Vocabolario siciliano etimologico, italiano, e latino, dell’abbate Michele Pasqualino da Palermo, Reale Stamperia (Palermo 1785-1795).
• Giuseppe Pitrè, Proverbi siciliani raccolti e confrontati con quelli degli altri dialetti d’Italia da Giuseppe Pitrè, volume primo, Giuseppe Pedone Lauriel Editore (Palermo 1880).