Prutiìna

Na prutiìna è na macrumulecula biològgica furmati di amminuàciti arrunzati, ntâ siquenza primaria (ditta pulipiptidi virè), pô lijami piptìdicu (puramenti dittu lijami carbammìdicu).

Li prutiìni, sparti câ struttura primaria, hannu na struttura sicunnaria, câ è ditirminata dê nterazziuni tra risidui amminuacìtici; mutivi ca s'attròvanu spissu sunnu l'alfa èlica e lu beta fugliettu (chi poti esseri parallelu o puru antiparallelu). La struttura sicunnaria appuoi furrìa, e pi nterazziuni tra risidui amminuacìdici, macari luntani ntâ struttura primaria, furma la struttura tirziaria. Ntirazziuni nun cuvalenti ntrê pulipiptidi piegati furmanu la struttura quatirnària dâ prutiìna, chi allura si dici multimèrica. L'emuglubbina è un esempiu di prutiìna titramèrica.

Li prutiìni hannu la funzioni di massimi iffittrici dô ginoma, zoè sudìsfanu lu chiossài dê nicissitati strutturali e metabòlichi dâ cèllula.

• Lista di amminuàciti

• UniProt, database di siquenzi prutèichi (n ngrisi)
• Protein Data Bank, database di strutturi prutèichi (n ngrisi)
• PredictProtein, alguritmu di pridizzioni di strutturi prutèichi (n ngrisi)