Funzioni (matimàtica)

N matimàtica na funzioni è na liggi chi a ogni elementu di nu nsemi chiamatu duminiu associa n'elementu di nu nsemi d'arrivu, chiamatu coduminiu. Simmolicamenti na funzioni f si ìnnica

${\displaystyle f:A\rightarrow B}$

unni A è lu duminiu e B è lu coduminiu.

Nti l'esempi cchiù usuali, A e B sunnu suttansemi di lu nsemu dî nùmmura riali, ${\displaystyle \mathbb {R} }$. Esempia tipici sunnu li funzioni trigonometrici, comu lu senu o lu cosenu, ma puru l'espuninziali, o li funzioni polinomiali. Assai mpurtanti sunnu però li funzioni unni lu duminiu è nu suttansemi dî nùmmura complessi, ${\displaystyle \mathbb {C} }$, compu pi esempiu la zeta di Riemann.

Si parra di funzioni di variabbili riali o di funzioni di variabbili cumplessa, siddu rispittivamenti ${\displaystyle A}$ è nu suttansemi di ${\displaystyle \mathbb {R} }$ o di ${\displaystyle \mathbb {C} }$.

Li funzioni di variabbili riali ponnu cunteniri una o diversi variabbili.

Tra li funzioni di variabbili cumplessa, li funzioni olomorfi e li funzioni merumorfi sunnu chiddi cchiù usati n matimàtica.