Campu magnèticu

St'artìculu è scrivutu 'n sicilianu standard, si stai circannu l'artìculu scrivutu 'n calabbrisi di Catanzaru (CZ), vidi Campu magneticu (artìculu 'n calabrisi).

Lu campu magnèticu è nu campu vitturiali unni la forza magnètica havi nu stranu caràttiri dirizziunali: ntra ogni puntu dû spazziu, lu mòdulu e la dirizzioni dâ forza dipènnunu dâ dirizzioni e motu dâ particedda. La forza furma sempri, ntra ognidunu istanti, n'àngulu rittu cû vitturi vilucità. Lu campu magnèticu ìnnica quinni la dirizzioni dâ forza magnètica ntô spazziu e la custanti dâ prupurziunalità rispettu a la vilucità.

La calamizzazioni di nu matiriali avveni pâ rutazzioni di l'elettruni dû matiriali, e la dirizzioni dû campu magnèticu di n'elettruni rutanti è lijata a chidda di soi assi e rutazzioni innicata dâ rèula dâ manu dritta. Li vitturi pi cui la dirizzioni ntrô spazziu nun dipenni dâ rèula dâ manu dritta, sunnu chiamati pulari; mentri pî vitturi, â cui dirizzioni dipenni dâ règula dâ manu dritta, s'usa lu tèrmini assiala.

Vistu ca li lìnii dû campu magnèticu nun si gèniranu di nuddu e nun hannu na fini (quinni pi lòggica si chiùdunu supra iddi stissi), si dici ca nun divèrgunu mai, ca sunnu sempri a divirgenza nudda;

${\displaystyle {\vec {\nabla }}\cdot {\vec {B}}=0}$

pi ssu mutivu cci sunnu tri cunziquenzi:

1) vistu ca li lìnii dû campu magnèticu hannu nu motu circulari, si veni pigghiata na supirfici chiusa, lu flussu dû campu magnèticu (ntâ magnitustàtica) attraversu chidda supirfici è nuddu;

${\displaystyle \Phi _{S}({\vec {B}}_{0})=\int _{S}{\vec {B}}_{0}\cdot {\vec {n}}\cdot dS=\int _{V}{\vec {\nabla }}\cdot {\vec {B}}_{0}\cdot dV}$

2) siccomu lu campu magnèticu dipenni dâ traittoria dû spustamentu, lu travagghiu è nuddu e nun si pò parrari di putinziali ${\displaystyle \Delta V}$ ;

${\displaystyle L=\int _{1}^{2}{\vec {F}}\cdot d{\vec {s}}=\int _{1}^{2}q{\vec {v}}\times {\vec {B}}\cdot d{\vec {s}}=q\int _{t_{1}}^{t_{2}}\left({\vec {v}}\times {\vec {B}}\cdot {\vec {v}}\right)dt=0}$

( unni ${\displaystyle {\vec {F}}=q{\vec {v}}\times {\vec {B}}}$ è la forza di Lorenz )

${\displaystyle L=E_{\operatorname {Cinfin} }-E_{\operatorname {Cininiz} }=0}$

3) nta magnitustàtica li currenti ca pàssanu attraversu na supirfici chiusa sunnu cuncatinati (tiurema d'Ampère).

${\displaystyle \oint _{C}\mathbf {B} \cdot d\mathbf {s} =\mu _{0}I_{\operatorname {conc} }}$

unni la pirmiabbilità magnètica ntra lu votu ${\displaystyle \mu _{0}={\frac {1}{\varepsilon _{0}\cdot c_{0}^{2}}}=4\pi \cdot 10^{-7}\ \mathrm {N/A^{2}} }$

Datusi ca ${\displaystyle \oint _{C}\mathbf {B} \cdot d\mathbf {s} =\mu _{0}I_{\operatorname {conc} }}$ e ca ${\displaystyle \oint _{C}\mathbf {B} \cdot d\mathbf {s} ={|{\vec {B}}|}{2\pi r}}$ annunca

${\displaystyle {|{\vec {B}}|}{2\pi r}=\mu _{0}I_{\operatorname {conc} }}$ unni ${\displaystyle |{\vec {B}}|={\frac {\mu _{0}I}{2\pi r}}}$

• Campu elettricu;
• vettura;