Them

Ando forovipnasko phuvipen ekh them si ekh umal phuvipnasko. Si labyardo te phenel vi pe naciya vi pe stato. And-ekh them si xulyaripen, administraciya, zakonurya, butvar ekh konstituciya, polis, xelavde thai manusha, jangle sar themutne.

Sherutno lekh: Stato

Ekh stato si ekh mesto teritoriyo kai si ekh xulyaripen thai manusha. Sa i Phuv (bi Antarktikiyako) si rigyardi katar staturya. Akana si 193 staturya prinjarde katar Phandle Naciye: le 192 membrurya thai o foro Vatikan. Si vi thema, chaches meste, so nai prinjarde katar le avere sar staturya (sar Abkhaziya).

Sherutno lekh: Naciya

Ekh naciya si ekh kidipen manushengo so godisaren ke si amyazmata lende (vunivar, myazutno sel, chhib, dharm vai puranipen).

Butvar le lava "them", "stato", "naciya" si labyarde sar si lenge myazutne xatyarimata. Ververimata mashkar lende avena:

• them si ekh umal phuvipnasko, ekh rig Phuvyaki;
• naciya si ekh kidipen manushengo;
• stato si ekh kidipen instituciyengo xulyaripnaske, mesto pe ekh rig Phuvyaki.

• Patrinipen le themengo