Kalinku king

a kinalangan nua kadjunangan ladruladruq i kalingu king saka matu kaiku, maka ljaviljaving kemasi viri patje navalj tu 137.5 km, a kemasi kacedas patje keledep kimaya 43 km. imaza a pulingetjan nua kadjunangan masan a tjaljaqacavan a king i taiwan. ljakua tjaliaw a gadu izua, keri tu 10% a kazatjan pakata penuljat ta kadjunangan. aza mareka caucau sedjelja i kalingu kata valangaw sevesevec a lizulizuk. au izua tu 70% a caucau sedjelja i hualien hici kata djian guan. aicu gadu imaza a pasakacedas a ljavek a gadugaduan, a pasakaledep sedjel a gadugaduan i vecekadan tua taiwan. a lava izua tu 3 mata 9 km a pasalavan. aicu kadjunangan pakata sevesevec a lizulizuk kata avan za nakemasi gadu seqaljutj a qipu kata vudas masan lizulizu, a qivu kalingu kata valangaw sevesevec a lizulizuk tuki kalingu kata valangaw a kasintan. aza kadjunangan pakata pasaviri sedjel kalingu kata valangaw sevesevec a lizulizuk, kemasi cungde(崇德) a disiaba i siulin guan pasanavalj mata hualien siljitaladj i pana, au aza kemasi sincen mula i sincen guan mata guvu(國福) mula i hualien hici a 15 km a tideq, na lizuk a laruq kata lavan pinapamaw nasekeljan tu malji, a tjalja lavan kimaya 5 km a tjeza, saka a qivu “kalingu kata valangaw a kasintan”, nutja kinemenemen ca ljusepisepitj a lizuk kinadjunangan, avan nu kemasi liwu pana izaya naseqaljutj a vadas kata qaciljay, lja namakeren a mavali tua pasakacedas ma viri a kemaledep a masan, cuayanga djiqeseng nua zaljum aza i tua siljisaaw ljavek a mareke vudas, pasa navaljen a kacuing avan nu sika alang, kata na tjalja taladjan a kadjunangan siraruwa neka ravac a kanki.

lja aicu a ljaviljaving a gadugaduan i pasakacedas a kalinguking tja kigalju a ma alang(kimaya 400 kudraw tjaisangas a inalangan), a ljavavavan tja liaw pitja keri tua i pasaviri a vecekadan gadugaduan, tjalja vavavan avan za sinking gadu izua 1682m. a maka ljaviljjaving a gadu kinaqipuan liaw a vudavudas na lumeljak maqepu masan qaciljay, a kinakadjunangan madjulu a makapalak, lja nururalarua a tjataladj a kadjunangan, aicu a makaljaving a gadu nu icining ljivavae tu 3cm, aza i siukuluan pana qaciljaciljaing izua caleqilj lumeljak a maletimalji masan alang tua vikivikng, avan nu liaw qaca keri maljetimalji a lizuk I tua ljaving naljavek a gadugaduan, pacual ta i ruisui guan kacedasan navalj a cimi lizuk, tjalja laruqan kata tjalja milavan kimaya izua 2 km, kalingu 64 guan a djaljang (花64鄉道) sipakacevung nua lisuy kata vunbing a djalang angata.

izua tjalja tjuruvuan a gadu i kalingu king, izua 43 a gadu tjljaqaca mata 3000 m. izua nanhu gadu(南湖大山), cilay gadu(奇萊山), siukuluan gadu(秀姑巒山),wumin gadu(無名山), akana hehuan gadu i pasakacedasan(合歡山東峰).

aza liaw pana imaza seqaljudj kemasai kaledep pasa cemedas. ljakua aicu heping pana, liwu pana kata siuguluan pana seqaljudj kemasi viri pasa navalj. au izua hualien pana seqaljudj kemasi navalj pasa viri.

aicu maka ljaviljaving ta ljavek i pasakacedas a kalingu tu 124 km, lja liaw a pana maljavek, liaw a kadjunangan a temalimuzav, izua cevaceva maka ljavek, avan angata  i pasanavalj a heping pana aza cinsui danggay, izua tjaljaqaca 1000 m, masan ta pungadangadan a kivangavangan i suhua kunglu, ljakua izua rucunuq uta pakata qudjalj saka ika maqati qemalius.

au aicu i pasanavalj kalingu king a semen makaljaving, namasan tjacaleqilj a ljaviljaving puqaciljayven, izua liaw a napakisumalji nua kadjunangan a temalimuzav, izua setiping(石梯坪) pakanavalj, aza kinaqaciljayan matu a tjaljitjali paka italadj a ljavek, izuanan kinapalak nua zaljum a namasa gisui, dangai, kaizatjan, paljevavaw a maljimalji a qaciljay, aza i makaljaving tua ljavek avan za babelubeluan a masan talituan i taiwan.

 

ka sicuayan a qivu cilay, pakata “花蓮縣志” za vecik, ka 1622 a cavilj azua sipanya caucau semamaza a djadjasen ta king, au sematjez patje djinbauli(金包里)(i djinsan ci atalasi taihuku hici tucu), saka sinpungadan duluman aicu avan tucu sincen mula, a kacalisian a kinaizuanan. ka 1851 a cavilj, izua tjawcikel na semamaza a pairang a qemulic a temalem ta lami, au pacun ta pana sema ljavek, macacuvung qaca a luduludan, azua ridiu matu vuliljauljaw, avan anga ta sinpungadan huilan. au pavalitan ta pinairangan tjasedjaljep siqivu a hualian.

tja kigalju a mirazek i kalingu pakata zuma king, ka 1932 a cavilj, nekanan na sipakaljaving a djalan (sicuayan a suhua kunglu), nu remaketj sikipacacikel maka kalingu pakavarukurukur, avan nu izua angata italadj qinaljan au manu sinan i casaw a kadjunangan aya qivu. mata qamaqacuvung a lemindjel tua kisiya a djalan a cemalivat tua taiwan i pasa viri, naseljenguwaq a sipakazua djalan.

pakata remasudj a kilalaing takakudan, ka 1909 a cavilj, kalinku a kadjunangan kidjuvecik valangaw, masan ta kalingukang ting, avan kanri a macidjilj patje tucu. kapuamin a maqaqeci, ka 1946 a cavilj icigac siva qadaw lemindjel tua kalingu king. ka 1950 a cavilj ziugac puluq sa lima qadaw, masantjasangas a king a semusu tua niamadju a rarasudjan pakata “cunghuamingu a tjaljavavaw a hulic”. kanri tua na i qinaljan a kakudan.

izua siulin, wanrung, zusi avan angata na kacalisian a qinaljan, au pulingetjan nua kadjunangan penuljat avan tu alu puluq nua kalingu king a kadjunangan.

aza siulin avan na tjaljaqacavan a kadjunangan, tu 1,641 km², avan angata tjaljaqacavan a kadjunangan pakata masantjelulj a kinapangaljan a paljavak, tjaljaqavan ta sinzuking kata canhuaking.

aza yiliceng a kadjunangan tu 252 km², masan tjaljaqacavan pakata ceng i taiwan.

hualien hici kata sincen guan izua mamaw a pulingetjan nua kadjunangan (tu 29.4095 km²), madrusa avan angata tjaljakedrian pakata kinapangaljan a paljavak i kalingu.

· ljemeqaca：neka

· mirazek：siulin(秀林)

· ika pasekakezeng：sincen(新城)、djian(吉安)

· sisekez：zusi(卓溪)、vunglin(鳳林)

· mekedri：zuvung(壽豐)、vuli(富里)、kuangvu(光復)、lisuy(瑞穗)

· selapay mekedri：wanrung(萬榮)、hualien hichi(花蓮市)、yili(玉里)、vungbin(豐濱)

• aicu a pakeljan ta caucau i kalingu king:

aza mareka caucau sedjelja i hualien hici kata djian guan.

aicu a caucau i cen (yilicen kata vunglincen) tjalja kerian a caucau i djian guan, au aicu a caucau penuljat madrusa a ceng tjalja kedrian ta i djian guan a caucau.

malua a caucau i vunglin, 90 a caucau /km², avan angata tjalja kerian a mavalidan i taiwan.

aicu a caucau i djian guan tu alu kudraw, avan angata tjalja tjuruvuan a guan i taiwan.

pakata caucau a mavalidan avan pitjavavaw 100 a caucau /km², izua hualien hici, djian guan kata sincen guan. 

• aicu ziriu patekuteku kemasi 2021 a cavilj sangac 資料 kakivauvaljan:Wayback

ka 1926 a cavilj aza ziriu pakata semupu ta caucau a penuljat, izua 9900 a caucau nasevudjan, 7200 a caucau nasekuangdung. (ka cinting a djiday kata min a djiday pakata kinapangaljan a paljavak izua vudjansen kata kuangdungsen)

lja tja kigalju a mirazek, izua tjatjuruvuan a sikakudan na kacalisian imaza: izua  amizuku, taiya zuku, tairuku zuku, bunun zuku, sacilaya zuku, kemalan zuku, sidiqe zuku i kalingu.

pakata ziriu ka 2016 a cavilj sepatj qiljas, a caucau na kacalisian i kalingu, izua  56,362 a caucau i lizuk, izua 35,830 a cuacau i gadu, au a caucau a penuljat avan 92,192. avan angata ta 25 % tua kalingu a caucau a penuljat. au tjaljaqacavan a kadjunangan a amizuku. saka izua tauta 30 % a ngaingai zuku, pirang kata ciyukuk zuku i maza.

aza ziriu ka 2009 a cavilj pakata kalingu sihu, tucu izua lima a daigaku, puluq sa tjelu a kaucung a gaku, drusa puluq sa sepatj a gaku na kutjung kata taiday sa pitju a gaku na kukumin. ljakua a caucau sedjelj a nasemasasaw, au memapulju a situ, izua gaku rinevuranga.

pakata ziriu a "台灣博物館名錄" ka 2004 a cavilj siva qiljas, izua sasqetjan ta paridiu a sicuacuayan a nanemanga umaq i kalinguking :

a i kalingu riuku mirazek aravac, sasanguwaq a kadjunangan izua tairuku a nua kuka kakivangvangan, kalingu sema taitu sevesevecan a lizulizuk kata paka ljaviljaving. a remayurangan a sengsegnan temalidu aravac, saka liaw a kasiuljayan a umaq, mata siva taiday a makalap, au izua liaw a racev, vencik tua kasiw,vencik tua qaciljay, vurasi a cinekuru aljualju,yukan, mareka maljaljian a qaciljay.

pakata ziriu a kuankuangcy na kalingu kingsihu ka 2019 a cavilj pitju qiljas, aza caucau kivanvang a semamaza tu 1,352,774. izua tu 281,500 a caucau sema dungdamen yachi, izua tu 34,775 a caucau sema i nanan(南安) pakata sasekezan kata papavelian a kakituluan. avan angata tjaljavavavan ta vecik pitjaivililj. au aza penuljat a caucau semamaza ka 2019 a cavilj 10,956,540. (penapamapamaw lemita qiljas avan 913,045 a caucau), masan a sangasangasan.

aicu a kalingu king i pasakacedas nua i taiwan, izua malji a qivu “pasaliku ta gadu”. avan nu tjaljaqacavan a kadjunangan a king i taiwan. avan ca ika kinapalak nanemanemanga a kakivangvangan racev saka masan tjalja pungadan. lja ika mirazek a siubay, saka sedjel a kacalisian, sivitay kata kumuing. azua pakata sinkiw a tadjalan a sidjiyan kumintang(國民黨) a tjaliaw, ljakua mata 1992 a cavilj, livawiyuan(立法委員) a sinkiw, aza na mindjingtang(民進黨) ti 黃信介 a kamakama djemamaq tua kalingu king a livawiyuan. au avan zua makeljang anga mindjingtang i kalingu.