Sanary-sur-Mer

Sanary-sur-Mer (San Nazaire an lenga local) a l'é na comun-a ëd 17400 abitant ant ël Var.

A parte dal 1933, Sanary-sut-Mer a l'é dventà arpar ëd vàire anteletuaj ch'a scapavo dal regim ëd Hitler. Ij nòm dj'arfugià a son massionà da na targa dacant a l'ufissi 'd torism. Antra i pì arnomà a-i ero Thomas Mann e sò frel Heinrich, Lion Feuchtwanger, Alma Mahler, Franz Werfel, Stefan Zweig. A l'armistissi dël 1940, mersì a l'antërvension ëd la fomna dël pressident Roosevelt, la pì part a l'ha podù arfugesse ant jë Stat Unì. D'àutri a son ëstàit antërnà ant ël camp dij Milles, davzin a Aix-en-Provence.

• Les floralies, tuti j'agn dëscobi an maj
• Ël vent ëd l'art, tuti j'agn cobi an maj
• Festa ëd San Pé e dla lavanda, la dariera fin dë sman-a ëd giugn
• Festa ëd San Nasari, an ost, con torneo provensaj

Al mërco a-i é ël grand mërcà al pòrt.