Përtus dël Viso

Ël Përtus dël Viso (Buco del Viso o Buco delle Traversette an lenga italian-a e Pertuis du Viso an lenga fransèisa) a l'é na galarìa che a lija l'Italia con la Fransa an butand an comunicassion ij teritòri comunaj ëd Crisseul e Ristolas an Fransa. As treuva a n'autëssa ëd 2828 méter, an corëspondensa dël Còl ëd le Traversëtte. A l'é longh al di d'ancheuj 75 méter e dël 1480 a l'é stàit la prima galarìa alpin-a dla stòria.

La costrussiòn dla galarìa a l'é stàita n'inissiativa dël Marchèis ëd Salusse Lodovich II. Dòp che dël 1588 Carl Emanuel I ëd Savòja a l'ha pijà ël Marchisà ëd Salusse, a l'ha falo stopé. A l'é stàit torna duvertà a la fin dël sécol ch'a fa XVII, për anteressament ëd la duchëssa Gioana Batista ëd Savòja Nemours, sconda fomna ëd Carl Emanuel II.