A confina con Malaysia (ant l'ìsola dël Bòrneo), Timor Est (ant l'ìsola ëd Timor) e Papua Neuva Guinea (ant l'ìsola dla Neuva Guinea).
La capital a l'é Giacarta.
A l'ha na surfassa d'1.904.569 km² e a conta anviron 225 milion d'abitant. A l'é për sòn ël ters pais dël mond për popolassion e la pì popolosa an tra le nassion a magioransa mussulman-a.
L'Indonesia a l'é formà da anviron 18.000 ìsole (mach 6.000 abità), sota e dzora l'Equator.
L'Indonesia a mësura 5.120 km da est a òvest e 1.760 km da nòrd a sud.
J'ìsole pì importante a son Sumatra, Giava, Célebes, Bali e le Moluche; a fan part ëd lë stat indonesian ëdcò dle gròsse porsion dla Neuva Guinea e dël Bòrneo.
