Giovanni Cena

Poeta e scritor an lenga italian-a.
Giovanni Cena a l'era nassù a Montanar ai 12 ëd gené dël 1870, da na famija pòvra: amis dël pitor Giuseppe Pellizza ëd Volped, soens a podìa nen ëscrivie o andelo a trové përchè ch'a-j mancavo ij sòld.

A l'ha studià a la facoltà ëd litre dl'Università ëd Turin, anlev d'Arturo Graf, e a le lession dij saba (j'ansidite sabatin-e) ëd Graf, ëd tansantan Cena a lesìa dij sò vers.

A l'é stàit për vàire agn cap-redator dl'arvista Nuova Antologia, a Roma, anté ch'a l'avìa tramudà e a stasìa con soa morosa Sibilla Aleramo.

As anteressava dij problema sossiaj e e l'ha fondà pì che stanta scòle për ij campagnin dl'Àgher roman e dij mojiss pontin.

Cena a l'é mòrt ëd polmonìa a Roma, dlë dzèmber 1917.
Mario Vugliano a l'ha dilo ël poeta dël dolor.

Ant ël 1928-1929, cudìe da Eugenia Balegno e Terenzio Grandi, a son ëstàite publicà a Turin soe euvre complete, an sinch volum, dont soa ciadeuvra, ël romanz sossial Gli ammonitori.