Google Family Link

Google Family Link er barnalæsingaforrit sem hjálpar þér að gæta að öryggi fjölskyldunnar á netinu. Við vitum að fjölskyldur nota tæknina á ólíkan hátt svo við hönnuðum verkfæri á borð við Family Link sem veita þér sveigjanleika til að finna jafnvægið fyrir þína fjölskyldu og til að hjálpa fjölskyldumeðlimum að þróa með sér heilbrigðar stafrænar venjur. Einföld verkfæri í Family Link gera þér kleift að skilja betur hvernig barnið ver tíma sínum á netinu, sjá staðsetningu tækis þess, stjórna persónuverndarstillingum og fleira.


Þú getur notað Family Link til að:

Setja stafrænar grundvallarreglur
• Stilltu takmörkun á skjátíma — í Family Link geturðu stillt hvíldartíma fyrir tæki barnsins og tímamörk fyrir forrit til að hjálpa barninu að finna heilbrigt jafnvægi.
• Vísaðu barninu á efni sem hæfir aldri þess — samþykktu eða lokaðu á forrit sem barnið vill sækja. Í Family Link geturðu einnig valið rétta YouTube-upplifun fyrir barnið: YouTube-upplifun með eftirliti eða YouTube Kids.

Stjórna og gæta að öryggi reiknings barnsins
• Gættu persónuverndar barnsins — stjórnun heimilda í Family Link gerir þér kleift að taka mikilvægar ákvarðanir um gögn barnsins. Skoðaðu og stjórnaðu heimildum fyrir vefsvæði og viðbætur sem eru opnaðar með Chrome sem og fyrir forrit sem eru sótt í tæki barnsins.
• Gættu að reikningsöryggi barnsins — Family Link veitir þér aðgang til að stjórna reikningi og gagnastillingum barnsins. Sem foreldri geturðu breytt eða endurstillt aðgangsorð barnsins ef það gleymir því, breytt persónuupplýsingum þess og jafnvel eytt reikningi þess ef nauðsyn krefur.

Halda tengingu á ferðinni
• Sjáðu hvar barnið er — það er gagnlegt að geta fundið fjölskyldumeðlimi þegar þeir eru á ferðinni. Í Family Link finnurðu börnin þín á einu korti, svo lengi sem þau eru með tækið á sér.
• Fáðu tilkynningar og viðvaranir — Family Link sendir mikilvægar tilkynningar, t.d. um það hvenær barnið kemur á eða fer frá tilteknum stað. Þú getur einnig hringt í tæki og skoðað stöðu rafhlöðunnar.


Mikilvægar upplýsingar

• Verkfæri Family Link eru mismunandi eftir tæki barnsins. Þú finnur lista yfir samhæf tæki á https://families.google/familylink/device-compatibility/
• Þótt Family Link hjálpi þér að hafa umsjón með kaupum og niðurhali barnsins þíns á Google Play þarf það ekki samþykki til að setja upp uppfærslur á forritum (þar á meðal uppfærslur sem veita auknar heimildir), forrit sem þú hefur áður samþykkt eða forrit sem hefur verið deilt í fjölskyldusafninu. Auk þess gildir samþykki fyrir kaupum aðeins þegar barnið kaupir í gegnum innheimtukerfi Google Play en ekki þegar keypt er í gegnum önnur innheimtukerfi. Foreldrar ættu að fara reglulega yfir uppsett forrit barnsins síns og heimildir forrita í Family Link.
• Þú ættir að fara vandlega yfir forritin í tæki barnsins sem er undir eftirliti og slökkva á þeim sem þú vilt ekki að barnið noti. Hafðu í huga að hugsanlega geturðu ekki slökkt á sumum foruppsettum forritum á borð við Play, Google o.fl.
• Til að sjá hvar tæki barnsins þíns eða unglingsins er verður að vera kveikt á því, það þarf að hafa verið virkt nýlega og tengt við netið um farsímakerfi eða WiFi.
• Barnalæsingar Family Link eru aðeins í boði fyrir Google-reikninga undir eftirliti. Google-reikningar undir eftirliti veita börnum aðgang að Google-vörum á borð við Leit, Chrome og Gmail og foreldrar geta sett stafrænar reglur til að hafa eftirlit með þeim.
• Þótt Family Link bjóði upp á verkfæri til að stjórna upplifun barnsins á netinu og gæta að netöryggi þess þýðir það ekki að netið sé öruggt. Family Link getur ekki metið efni á netinu en gerir foreldrum kleift að ákveða hvernig börnin þeirra verja tíma sínum á netinu og hvernig netöryggisráðstafanir henta fjölskyldunni best.