Sylvana Simons
Silvana Hildegard (Sylvana) Simons (☆ 31 di januari 1971 na Paramaribo) ta un politico Hulandes di origen Surnameño y expresentador di television. Di 2021 te 2023 e tabata e unico miembro di Tweede Kamer representando BIJ1, un partido anti-racista igualitario funda pa Simons na 2016. E tabata e prome lider di fraccion di color den Tweede Kamer na Hulanda.
| Pais di nashonalidat | Reino Hulandes  |
|---|---|
| Nòmber di dilanti | Sylvana |
| Fam | Simons |
| Fecha di nasementu | 31 yanüari 1971 |
| Lugá di nasementu | Paramaribo |
| Pariente | Kenneth Leeuwin |
| Okupashon | presentadó na televishon, politiko, radio personality |
| Funshon | miembro di Tweede Kamer |
| Residensia | Duivendrecht |
| Partido polítiko | BIJ1 |
| Kandidato den elekshon | 2017 Dutch general election, 2021 Dutch general election, 2018 Dutch municipal elections in Amsterdam |
| Distinshon | Q105781577 |
Biografia
editáSimons a nace na Paramaribo, kapital di Surinam y a muda pa Hulanda como baby. El a crece den Amsterdam den e barionan Kinkerbuurt y Osdorp. Su mayornan ta Wilfred Hugo Leeuwin (1928) y Roline Yvonne Kerk (1945). Hunto su mayornan tabatin 15 yiu, aunke Simons a crece sin su rumannan. Wilfred Leeuwin a traha como accountant y Roline Kerk a traha pa IBM.
Como mucha, Simons tabata core cabay y baila. El a cuminsa tuma les di baile cu su shete aña y el a tuma entrenamiento preparatorio na Amsterdam pa e academia di ballet. Inicialmente, Simons a bay un scol di vwo, pero el a haci e cambio pa havo despues. Simons a atende programanan educacional na diferente academia di arte, pero no a finalisa niun di e programanan aki.
Carera den media
editáComo hoben, Simons a traha como bailarin den e escena nocturno na Amsterdam. Despues el a bira un VJ (video jockey) pa e canal musical TMF na 1995. Cuater aña despues, el a cuminsa traha na e canal di television Hulandes SBS, unda el a presenta e reality-serie De bus (2000).
Simons a traha pa un decada na RTL Nederland, presentando e prome temporadanan di e serie TV Makelaar (2001-2005) y Dancing with the Stars (2005-2007). For di 2009, Simons a traha un par di aña como presentador di radio riba Radio 6 pa e asosiacion NPS.
Carera den politica
editáNa 2016 Simons a drenta politica, birando miembro di e partido DENK. Despues di shete luna di miembrecia, Simons a bandona e partido DENK pa forma su mesun partido, Artikel 1 (despues BIJ1). Despues di e eleccionnan parlamentario di 2020, Simons a drenta Tweede Kamer como miembro di BIJ1. Despues di e caida di e Gabinete Rutte-IV na juli 2023, Simons a anuncia cu e lo sali di politica y e lo stop como lider di BIJ1 [1] Edson Olf a sigui Simons como lider di e partido [2].
Bida personal
editáSimons tin dos yiu, Salvatore y Levi y ta wela. El a haya su prome cu yiu cu 21 aña. Durante su carera politico, Simons a expresa cu e ta sufri di dolor cronico, posiblemente causa pa osteoartritis.
Distincion
editá- 2022 - 'Ally Award' di Winq, revista di "queer lifestyle", pa su trabou politico[3]
- 2023 - Black Achievement Award - premio pa su trabou politico[4][5]
Referensia
|