Walter Christaller

Walter Christaller (21 d'abriu de 1893, Altensteig - 9 de març de 1969, Königstein im Taunus) es un geograf alemand. Pionier de la Geografia Novèla, promouguèt una vision privilegiant l'estudi dei zònas urbanas, dei logicas urbanas e, pus generalament, deis elements regulars d'un espaci geografic. Sa tèsi sus lei « luòcs centraus d'Alemanha dau Sud », publicada en 1933, marquèt ansin una rompedura importanta dins l'istòria de la geografia.

A l'origina partisan deis idèas comunistas^[1], se raprochèt pauc a pauc dau nazisme e venguèt sòci dau NSDAP en 1940. Foguèt encargat, sota la direccion de Konrad Meyer-Hetling (1901-1973), d'estudiar de plans de colonizacion alemanda en Euròpa de l'Èst. Après 1945, Christaller foguèt pas regardat per la denazificacion d'Alemanha. Totjorn partisan d'un govèrn autoritari, jonhèt lo partit comunista de l'Oèst e foguèt accusat, benlèu en causa de son passat, de son espionatge. Foguèt ansin pas tornat integrar dins son universitat. Dins aquò, l'importància metodologica de son trabalh foguèt pauc a pauc reconeguda.