Spencer Tracy

Spencer Tracy

Profession:	actor de cinèma
País:	Estats Units d'America
Data de naissença:	5 d'abril de 1900
Luòc de naissença:	Milwaukee, Wisconsin
Data de decès:	10 de junh de 1967
Luòc de decès:	Los Angeles, Califòrnia

Spencer Tracy (nascut en Milwaukee, 5 d'abril de 1900, mòrt a Los Angeles, 10 de junh de 1967) foguèt un actor american. Abelit per li jesuistas, Spencer Tracy comença d’estudis per èsser prèire, puèi se fòravia d’aquela vocacion per montar sobre las pòsses, d’en primier a la Marquette University, puèi a l’Acadèmia d’Art Dramatic de Nòva York. Aurà son primier grand succès al teatre en 1930 dedins The Last Mile, ont encarna Killer Meers.

La Fox lo remarca e senha un contracte pel primier còp al cinèma e jòga amb Humphrey Bogart, debutant el tanben, dins un filme de John Ford, Up the River (1930).

Durant cinc ans multiplica li filmes : Quick Millions (1931), Young America (1932) e 20 000 Years in Sing Sing (1932) de Michael Curtiz, onde fa lo ròtle d'un presonier embarrat dins son secret. En 1933 jòga dins A Man’s Castle, de Frank Borzage. Fa de ròtles plan divèrs (gangster, proletari, forçat, mètge o cocha-vestit), ambé de realizators plan divèrs (Walsh, Cummings, Wellman).

En 1935 senha un contracte ambé la MGM. Dedins Fury (1936), es bailejat per Fritz Lang, passa a la comèdia dins Libelled Lady (1936).

Son ròtle de capelan dins San Francisco (1936) li vau una primièra nominacion is Oscars e fa de guel una estèla. Chausís laidonc si ròtles mai librament, ròda dos o tres filmes cada annada e ganha dos Oscars dos ans de tèira, per Captains Courageous (1937), de Victòr Fleming, ont encarna un pescador portugués, e per Boy Town (1938), de Norman Taurog. Fa puèi lo ròtle de Thomas Edison dins Edison the Man (1940), es apariat a Katharine Hepburn dedins Woman of the Year (1941), de George Stevens. Aquel rescontre aurà ‘na seguida e Spencer Tracy rodarà fòrça ambé Katharine Hepburn: Adam’s Rib (1949), e Pat and Mike (1952), realizats per George Cukor.

Chausís si ròtles, e chausís si registas : Vicente Minnelli (Father of the Bride, 1950) (Father’s Little Dividente, 1951), Edward Dmytryk (Broken Lance, 1954), John Sturges (Bad Day at Black Rock, 1955) John Ford (the Last Hurrah, 1958).

Mas la malautiá lo rosiga ; jòga mens e ròda dedins de filmes pus facils, dirigits per Stanley Kramer (The Devil at Four O’Clock, 1961, Judgment at Nuremberg (1961), It’s a Mad, Mad, Mad, Mad World, 1963).

Morís quauquas setmanas après lo rodatge de son darrier filme, onde jogava ambé Katharine Hepburn (Guess Who’s Coming to Dinner, 1967).