Sengòr

Las fòrmas ancianas que son ecclesia Sancti Petri Sanagorensis, en latin, cap a 1050, St Gorbs, en 1242, Sengohor, shens data, par Sancti Petri de Seint-Gor in Marciano, en latin, en 1274, de Sent-Gor, en 1274, terra de Tartas in parochia de Sent-Gor, en 1276, de Sengor, cap a 1320, S. Go, mapa deu començament deu sègle XVIII. Sengòr qu'es un faus agionime (un faus nom de sent). Que vieneré de *sen agor, format d'un prumèr element *sen, d'origina aquitanica, qui auré lo sens de situacion dominanta, de promontòri, de mus, çò qui correspón a la realitat geografica, e d'un segond element qui ei lo gascon agor, mot probablament manlevat au basque, ací au sens de « sec, eishuc ». Cf. Òssagòr, Lesgòr. Lo nom qu'ei probablament ancian, pr'amor deu sent dedicatari de la glèisa, l'apòstol Pèir. La prononciacion qu'ei [sen'gɔr] ^[2]. L'èrra finau hòrta que s'es conservada o restablida (cf. la mapa deu sègle XVIII); qu'a dispareishut dens Lesgòr e dens un aute Sengòr, comuna de Boson e Gelanava.

• Avant la refòrma cantonala de 2014, aplicada en 2015, la comuna qu'èra deu canton de Ròcahòrt; qu'es adara deu canton de Haute Lande Armagnac (en francés), donc de Hauta Lana-Armanhac.

• Comunas de las Lanas

1. ↑ http://www.institutoccitan.com/index.php?option=com_content&task=view&id=167&Itemid=0
2. ↑ Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 207

•   Portau de Gasconha