Pascal (unitat)

Lo pascal (simbòl: Pa) es l'unitat de constrencha e de pression dau Sistèma Internacionau d'Unitats. Tèn son nom de Blasi Pascal. Lo pascal fa partida deis unitats derivadas dau Sistèma Internacionau.

Segon lei règlas tipograficas dau Sistèma Internacionau:

• Lei noms d'unitat de l'SI son de noms comuns e s'escrivon en minusculas (« pascal »)
• Lo simbòl dau pascal es Pa, començant per una majuscula perque lo nom de l'unitat provèn d'un nom pròpri de persona

Leis equivaléncias son: 1013 hPa = 1,013 bar ≈ 760 mmHg (millimètre de mercuri).

Una pression d'un pascal es una constrencha unifòrma que s'aplica subre una superfícia plana de 1 mètre carrat, e exercís perpendicularament a aquela superfícia una fòrça totala de 1 newton.

L'expression dau pascal en unitats de basa es ${\displaystyle \mathrm {N/m^{2}=kg/(s^{2}*m)} }$.

Estent que lo pascal es una unitat que sa valor es pron pichona a respiech dei valors usualas, s'utiliza sovent sei multiples:

• l'ectopascal (hPa) : 1 hPa = 100 Pa
• lo quilopascal (kPa) : 1 kPa = 10³ Pa
• lo megapascal (MPa) : 1 MPa = 10⁶ Pa = 1 N/mm²
• lo gigapascal (GPa) : 1 GPa = 10⁹ Pa = 1000 N/mm²

Conversion vèrs d'unitats fòra de l'SI :

1 Pa ≈ 7,500 615·10^-3 mmHg (millimètre de mercuri)

1 Pa ≈ 9,869 233·10^-6 atm (atmosfèra estandard)

1 Pa = 10^-5 bar

1 hPa = 10^-3 bar = 1 mbar (1 millibar)