Oceanus Procellarum

Oceanus Procellarum (Ocean dei Tempèstas en occitan provençau) es la pus granda mar de la Luna. Es situada dins la partida oest de la fàcia visibla. Es un plan basaltic amb una longor nòrd-sud egala a 2500 quilomètres per una superficia de 4 000 000 km². Dins aquò, lo bacin d'impacte associat amb aquela mar es pas conegut a l'ora d'ara. Unei lacus e sinus son situats ai frontieras de l'ocean qu'es limitròf dei Mare Nubium e Mare Humorum au sud e separat de la Mare Imbrium au nòrd-est per la cadena de montanhas dei Montes Carpatus.

Quatre sondas espacialas Luna 9 (3 de febrier de 1966), Luna 13 (24 de decembre de 1966), Surveyor 1 (2 de junh de 1966), Surveyor 3 (20 d'abriu de 1967) e una mission umana, Apollo 12 (24 de novembre de 1969), foguèron mandadas dins l'Oceanus Procellarum.