Moctezuma II
Moctezuma II (1466 - 29 de junh de 1520), las variantas ortograficas incluson Montezuma, Moteuczoma, Motecuhzoma, Motēuczōmah, Muteczuma, (designat dins los primièrs tèxtes nahuatl per Motecuhzoma Xocoyotzin (Moctezuma lo Jove), foguèt lo noven tlatoani o sobeiran de Tenochtitlan, que regnèt de 1502 a 1520. Lo primièr contacte entre las civilizacions indigènas de Mesoamerica e los europèus se debanèt durant son règne, e foguèt tuat pendent lo començament de la conquista espanhòla de l'empèri astèca, quora lo conquistador Hernán Cortés e sos òmes se son batuts per prene lo contraròtle de la capitala astèca Tenochtitlan.
|
Moctezuma II
Motecuhzoma Xocoyotl | |
|---|---|
 | |
| "L'emperaire Moctezuma", dins "La descobèrta e la conquista del novèl monde: contenent la vida e los viatges de Cristòl Colomb", publicat als Estat Units en 1892. | |
| Biografia | |
| Naissença | 1466 |
| Decès | 29 de junh de 1520 |
| País: | Tenochtitlan (ciutat estat) |
| Epòca: | epòca preïspanica |
| Règne: | 1502-1520 |
| Davancièr: | Ahuitzotl |
| Successor: | Cuitláhuac |
Pendent son règne, l'empèri astèca atenguèt sa pus granda expansion. Per la guèrra, Moctezuma estendèt lo territòri tant luènh al sud que Xoconosco en Chiapas e l'istme de Tehuantepec, e incorporèt le pòble zapotèc e Yopi dins l'empèri. Cambièt l'ancian sistèma meritocratic de la ierarquia sociala e alarguèt lo valat entre pipiltin (nòbles) e macehualtin (roturièrs) en enebissent als non nòbles de trabalhar dins los palais reials .