Lengas tibetobirmanas

Las lengas tibetobirmanas son las lengas non sineticas de la familha de las lengas sinotibetanas, que mai de 400 son parladas dins las nautas tèrras de l'Asia del sud-èst e dins d'unas parts de l'Asia de l'èst e del sud: entre China, Índia, Tibet, Nepal, Botan, Birmania e dins qualques regions de Paquistan, de Bangladèsh, de Tailàndia, de Laos e quitament de Vietnam. Aperaquí 60 milions de personas parlan las lengas tibetobirmanas, que aperaquí la mitat parlan lo birman, e 13 % de lengas tibetanas. Lo nom deriva de las lengas pus parlada, es a dire lo birman (mai de 35 milions de locutors) e las lengas tibetanas (mai de 8 millions). Aquelas lengas an tanben de tradicions literàrias importantas, que datan respectivament dels sègles XIIen e VIIen. La màger part de las autras lengas son parladas per de comunautats fòrça pus pichonas, e nombrosas d'entre elas son pas estats descritas en detalh.