Honden

Un honden^[1], tanben dich shinden^[2] ò shōden^[3], es lo bastiment pus sacrat d'un santuari sintoïsta. Luòc reservat a l'usatge de la divinitat (kami) venerada dins lo santuari, se situa generalament a l'arrier dau complèxe sus una pichona plataforma que permet de lo subreauçar. L'accès es enebit e empachat per una barriera e lei pòrtas son unicament dubèrtas durant certanei ceremònias religiosas. A l'avans dau honden, se tròba normalament lo haiden, lo bastiment reservat au culte. Una sala ò un corredor reservat ais ofèrtas, lo heiden, unís sovent lei dos bastiments.