Galaxia irregulara

Una galaxia irregulara es una galaxia que presenta ges d'estructura regulara ò discernibla. La màger part son de galaxias nanetas que son malaisadas de detectar en causa de sa talha pichona. Orbitan a l'entorn dei galaxias pus importantas (galaxias espiralas ò ellipticas). I son somesas a d'ondas de compression causadas per la gravitacion qu'entraïnan una destabilizacion dei nebulosas e donc una formacion importanta d'estelas. Ansin, la màger part deis estelas situadas dins una galaxia irregulara son sovent jovas.

Lei causas d'irregularitat son variablas e pòdon èstre la consequéncia d'unei fenomèns coma la fusion de doas galaxias, la desformacion sota l'influéncia d'un camp gravitacionau important, la feblessa de la gravitat intèrna de la galaxia que causa la disparicion d'una estructura inicialament presenta ò una activitat importanta dau nuclèu galactic que causa de desformacions.