Desèrt de Kalahari
Lo Kalahari es un desèrt miègarid e arenós d'Africa Australa que s'espandís sus prèp de 500 000 km². Ocupa 70% de Botswana, e en partida Namibia e Sudafrica. D'autras fonts grandisson l'airal del Kalahari fins als dos milions e mièg de quilomètres quadrats, arribant fins a Zimbabwe, Angòla e Zambia.
Malgrat lo mitan ambient dificíl èra ja abitat pels primèrs ominids, per exemple foguèron escavat de fossils d'Australopithecus africanus dins la localitat de Taung al sud de Kalahari.
Lo seu nom ven de la mot tswana kgalagadi, que significa 'gròssa set'. Lo Kalahari es format per de vastes airals cobèts per de sables de tons rogencs e marrons e sense cap de tipe d'aiga a la superfícia ni permanent ni estancat. Pasmens, lo Kalahari es pas un desèrt total. De regions del Kalahari recebon mai de 250 mm de pluèja per an e an de vegetacion; sonque es fòrça arid al sud-oèst (mens de 175 mm de pluèja per an), çò que ne fa en un desèrt fossil.
Clima
modificarL'estiu coma l'ivern an de temperaturas càudas de jorn e frescas de nièch. Las precipitacions cason principalament entre octobre e abril (los meses de l'estiu austral) la pluviometria passa de 150 litres al sud-oèst a 650 litres al canton nord-èst de Botswana. L'evaporacion passa los 2 000 litres per an e lo deficit idric existís cada meses levats los meses mai pluvencs. Lo sable del desèrt de Kalahhari, que dins qualques luòcs fa 400 mètres de prigondor, contribuís a fer disponible l'aiga e favoriza la vegetacion, pasmens s'aqueles sols son plan paubres en nutriments.
Vegetacion
modificarLa vegetacion naturala del Kalahari es de tipe sabana. Dins lo sud-oèst que es mai arid la sabana es dominada per d'èrbas e arbrilhons e la proporcion d'arbres aumenta generalament cap al nord-èst. Lo delta de l'Okavango presenta una vegetacion de zona umida. Una caracteristica importanta del Kalahari es que se trapa dins una zona plana amb isolats de puèges e inselbergs