Arthropoda

Arthropoda

Arthropòdes de diferentas classas : un trilobit, un euripterid, un escorpion, un crustacèu, un miriapòde e un insècte.

Classificacion

Règne	Animalia
Sosrègne	Bilateria
Infrarègne	Protostomia
Superembr.	Ecdysozoa

Embrancament

Arthropoda
Latreille, 1829

Sosembrancaments de reng inferior

• Chelicerata (amb los arachnides)
• clade Mandibulata:
  • Myriapoda
  • clade Pancrustacea:
    • Crustacea* (los crustacèus)
    • Hexapoda (amb los insèctes)
• †Trilobitomorpha (los trilobits)

Los artropòdes (arthropoda, de grèc ἄρθρον, "articulat", e ποδός, "pè") constituisson l'embrancament (filum) mai grand d'animals e incluson, entre autres, insèctes, aracnids e crustacèus. La seuna diversitat es extraordinària; mai del 80% de las espècias animalas conegudas son d'artropòdes^[1], es a dire, un milion d'espècias existentas descritas e un registre fossil que remonta fins l'èra proterozoïca.

Los artropòdes se son adaptat tant al mitan aqüatic (marin e aiga doça), coma al mitans terrèstre e aerian. Incluson totes tipes de formas de vida, tanben de formas simbiòticas e parasitas.

Malgrat aquesta granda diversitat los artropòdes presentan una estructura generala fòrça omogenèa. Se caracterizan per:^[2]

• La preséncia d'un exosqueleta dur, la cuticula, facha principalament de quitina, un tipe de polisacarid, que provesís proteccion fisica e resisténcia a la dessecacion.
• La possession d'un còs segmentat, es a dire, format per divèrses segments o metamèrs.
• La preséncia d'un parelh d'apendix articulats a cada metamèr, qu'es caracteristic e baila lo nom al grop.

1. ↑ Anna Thanukos;https://web.archive.org/web/20130821165924/http://evolution/.berkeley.edu;The Arthropod Story;University of California, Berkeley
2. ↑ Història Natural dels Països Catalans. Enciclopèdia Catalana. Vol 9, "Artròpodes I".