Chastèlperron
|
Chastèlperron
Châtelperron | ||
|---|---|---|
 | ||
| ||
| ||
| Geografia fisica | ||
| ||
| Coordenadas | 46° 23′ 59″ N, 3° 38′ 14″ E | |
| Superfícia | 20,8 km² | |
| Altituds · Maximala · Minimala |
352 m 234 m | |
| Geografia politica | ||
| Region istorica | Borbonés  | |
| Estat | França | |
| Region 84 |
Auvèrnhe Ròse Aups | |
| Departament 3 |
Alèir | |
| Arrondiment | Vichèi | |
| Canton | Jaligny-sur-Besbre | |
| Intercom 240300640 |
Val de Bresbre Sologne Bourbonnaise | |
| Cònsol | André Ratinier (2008-2014) | |
| Geografia umana | ||
| Autras informacions | ||
| Gentilici | (en francés) | |
| Còde postal | 03220 | |
| Còde INSEE | 03067 | |
Chastèlperron (Châtelperron en francés) z-es 'na comuna de Barbonés situada dinc lo departament d'Alèir.
Istòria
[modificar | Modificar lo còdi]Lo primèir possessor conegut de la tèrra de Chastèlperron saguèt Guichard de Castro Petri que la reconeissiá detenir dau senhor de Beaujeu en 1132. En 1215, Estève, filh de Reinèir de Chastèl Perron, z-èra vassau dau senhor de Borbon.
En 1220, Vilhelmus de Castro Petri o Castropertis, z-èra senhor de Sant Leon, Vau Mas, Liernolles e Lenax.
En 1329, Chastèlperron saguèt restachat, per lo maridatge d'Isabèla de Chastèlperron a Robèrt Dauphin de Jaligny, a la tèrra de Jaligny. Demorará aitau entrò au començament dau sègle XV e, aprèp èstre estat quauques ans proprietat de Claude Montaigu, será vendut a Jacme I de Chabanas, senhor de La Paliça, lo 17 de mai de 1443, per «9 300 escuts d'aur vièlh».
Luòcs e monuments
[modificar | Modificar lo còdi]- Bauma de las Fadas, que ne ven lo nom de Chastèlperronian, cultura arqueologica dau Paleolitic Superior.
- Glèisa de Sant Pèire de Chastèlperron.
- Chastèl de Chastèlperron.
- Chastèl de Chassimpierre (sègles XV e XIX).
- Las Escuras[1], maison fòrta de Joan lo Bon: vestigis de la chapèla e 'na pèira heraudica talhada amb las armas de Joan I de Borbon, aprèp son maridatge amb Joana de França, filha de Charles VII, e de Charles III, conestable de Borbon.
- Demòras daus sègles XVIII e XIX (Les Gondeaux, Bellevue... ).
- Peirèiras de marbre: lor espleita, començada a l'epòca romana, durèt entrò a 1924. Z-èran espleitadas a ciau dubèrt aus sites de «la lòtja granda», «lo colombèir», «la nautor nèira»[2]. S'utilizèt per la construccion de la façada dau teatre daus Champs Elisèus. Segon la tradicion locala, saguèt tanben emplegat per las chaladas dau còr de la catedrala de Nòstra Dòna de París e las colomnas de la glèisa de la Magdalena. L'autar màger e l'aigasenhau dinc la glèisa de Sant Pèire e lo monument aus mòrts de la comuna son tanben de marbre blanc de Chastèlperron. En 1925, se dubriguèt 'na peirèira de porfir nèir.
Galariá
[modificar | Modificar lo còdi]-
«Escartairat d'aur e de gules.»
Blason daus senhors de Chastèlperron -
«Escartairat aus 1 e 4 d'aur au daufin badiu d'azur, aus 2 e 3 de gules au leon d'ermina, lampassat e coronat d'aur.»
Armas presentadas dinc lo site de la comuna de Chastèlperron.
L'escartairat se compausa en 1 e 4 de las armas daus Daufins d'Auvèrnhe e en 2 e 3 de las daus Chabanas-La Paliça -
Senhors de las Escuras
-
Vista de Chastèlperron
-
Borg
-
Comuna
-
Monument aus mòrts
-
Ostau
-
Anciana chapèla privada
-
Anciana gara
