Zagreb

Zagreb er hovudstaden og den største byen i Kroatia. Zagreb er det kulturelle, vitskaplege, økonomiske, politiske og administrative senteret i Kroatia, og husar mellom anna Parlamentet, presidenten og regjeringa i landet. I 2001 hadde byen eit innbyggjartal på 779 145. Byen ligg mellom sørsida av fjellet Medvednica og nordsida av elva Sava i ei høgd 120 meter over havet.

Zagreb
Flagget til Zagreb
Kallenamn «Beli Zagreb grad ('Den kvite byen Zagreb')»
Styresmakter
Land Fylke	Kroatia Zagreb
Geografi
Flatevidd	641,2, 305,8 km²
Flatevidd  - By	641,4 km²
Innbyggjarar  - By (2001)    - folketettleik  - Storbyområde	771 145   1 216/km² 1,1 mill.
Koordinatar	45°48′N 15°58′E / 45.800°N 15.967°E / 45.800; 15.967
Høgd over havet	120 m
Tidssone	UTC+01:00, Sentraleuropeisk sommertid (UTC)
Diverse anna
Postnummer	10000
Telefon-retningsnummer	01
Bilnummer	ZG
Heimeside: www.zagreb.hr
Plassering
Plassering i Kroatia

Byen ligg plassert i den sørvestlege delen av Den pannoniske sletta, som strekkjer seg mellom Alpane, Dei dinariske Alpane og Adriahavet, og er derfor eit strategisk knytepunkt for trafikk mellom Sentral-Europa og Adriahavet.

Transportknutepunktet, industrien, og dei vitskaplege institusjonane gjer byen til det største økonomiske senteret i Kroatia.

Byen vart grunnlagd på 1000-talet, og er i dag eit eige fylke. Zagreb vart aldri ein del av Det osmanske riket, som mykje av nærliggande områda var. Derfor er ikkje gamle bygningar øydelagde, som i mange andre byar i det tidlegare Jugoslavia. Zagreb er ein fleirreligiøs by med romersk-katolsk erkebiskop, gresk-ortodoks erkebiskop, protestantisk biskop, ein storrabbin og ein muslimsk mufti.

Zagreb har ein internasjonal flyplass.