Solothurn

Solothurn (fransk Soleure, italiensk Soletta, retoromansk Soloturn) er hovudstad i kantonen Solothurn i Sveits. Kommunen har 16 163 innbyggjarar (2010) og eit areal på 6 km². Kommunesenteret ligg 430 meter over havet. Byen utgjer den einaste kommunen i distriktet med same namn. Byen ligg 36 km nord for Bern, ved elva Aare og foten av Jurafjella.

Solothurn Kommunevåpenet til Solothurn Plassering Styresmakter Land  Sveits Kanton kantonen Solothurn Distrikt Solothurn Språk tysk Borgarmeister Kurt Fluri Geografi Flatevidd  - kommune 6,28 km² Innbyggjarar  - kommune (desember2010)    - folketettleik 16 163   2 573,7 /km² Koordinatar 47°13′0″N 7°32′0″E / 47.21667°N 7.53333°E / 47.21667; 7.53333 Høgd over havet 430 moh. Diverse annan informasjon Postnummer 4500 Nettstad: www.stadt-solothurn.ch

Reichsstadt Solothurn Riksstaden Solothurn Fri riksby i Det tysk-romerske riket ← 1218–1648 → Hovudstad Solothurn Styreform Republikk Historisk periode Mellomalderen  - Grunnlagd AD 14–37  - Fekk Reichsfreiheit 1218  - Alliert med Bern 1295  - Tilknytt Sveits 1353  - Mislukka annektering av     grevane av Kyburg   Natt til 10. november 1382  - Full medlem av     Sveits   22. desember 1481  - Medlem av Den gylne ligaen 5. oktober 1586  - Sveitsisk sjølvstende     anerkjend   24. oktober 1648

Han har stor verkstadindustri, hovudsakleg jern- og metallvare- og maskinindustri og produksjon av instrument. Byen er eit viktig jernbaneknutepunkt og kjend for den vakre barokkarkitekturen.

Gamlebyen ligg ved breidda av Aare og er dominert av mange vakre bygg frå renessansen og barokken, mellom anna St. Ursen-katedralen frå 1763–1773 og eit rådhus frå 1400-talet. Den gamle bymuren er delvis bevart med tårn. Byen har store naturhistoriske og arkeologiske samlingar, måleri- og kunsthandverkssamlingar i bymuseet. Solothurn er biskopssete for Basel stift av den romersk-katolske kyrkja; St. Ursen-katedralen i Solothurn er domkyrkje for stiftet.

Solothurn har eit rikt kulturliv, og er mellom anna kjend for film- og litteraturdagane.

Solothurn heitte i romersk tid Salodurum og det låg eit romersk kastell her. Byen vart fri riksstad i 1218 og slutta forbund med Bern. I 1481 vart byen medlem av Det sveitsiske eidssambandet.