NM i alpine greiner 1960

Noregsmeisterskapen i alpine greiner 1960 fann stad på Norefjell i Buskerud helga 2.-3. april 1960. Tre idrettslag frå Oslo; IL Heming, SK Njård og Ready stod som arrangørar av meisterskapen. Utforrennet vart avlyst grunna manglande løype på Norefjell. Kongepokalane vart tildelt vinnarane av kombinasjonen, 15-årigen Wanda Klaveness og Petter Støle.

Aalesunds Skiklub var tildelt meisterskapen. Idrettslaget frå Ålesund sa i mars frå seg arrangementet då det var lite snø i Ørsta, Volda og på Standalseidet i Hjørundfjord, stadene der skiklubben hadde tenkt å arrangere alpinmeisterskapen 1960.