[go: up one dir, main page]
Wikipedia

Myggblom

planteart
Myggblom

Status i verda: LC Livskraftig
Status i Noreg: NT Nær truga

Systematikk
Rike: Planteriket
Klasse: Einfrøblada
Orden: Aspargesordenen
Familie: Orkidéfamilien
Slekt: Hammarbya
Art: H. paludosa
Vitskapleg namn
Hammarbya paludosa
Kuntze
Økologi
Habitat: våt myr
Utbreiing: Eurasia, Nord-Amerika

Myggblom (Hammarbya paludosa) er ei plante i myggblomslekta Hammarbya i orkidéfamilien (marihandfamilien) Orchidaceae.[1]

Utsjånad

endre

Myggblom er ei lita plante, som kan bli om lag 20 centimeter høg. Planta har gulgrøne blomar i eit smalt aks og to til fire blad nær bakken.

Systematikk

endre

Myggblom var tidlegare plassert i knottblomslekta med namnet Malaxis paludosa,[2] men er seinare skild ut som den einaste arten i planteslekta Hammarbya.[3][4]

Utbreiing

endre

I Noreg veks myggblom på våte myrer i låglandet, mest rundt Oslofjorden, men elles spreidd langs kysten og nordover heilt til Troms.[5] Planta står på Norsk raudliste for artar (2021) som nær truga (NT).[6]

Arten finst òg i Sverige (status LC, svensk namn myggblomster),[7] i Danmark (EN, dansk namn hjertelæbe),[8] i Finland (NT) (finsk namn suovalkku)[9] og på Færøyane (CR, sera sjáldsom, færøysk namn vátlendismýggjargras).[10]

Myggblom (engelsk namn bog orchid) veks spreidde stader på Dei britiske øyane, vanlegast i Skottland. I den britiske raudlista har arten status som livskraftig (LC).[11] Lokalt er han sårbar (VU) i England[12] og sterkt truga (EN) i Wales.[13] Arten er ikkje nemnd for tiltak i Skottland.[14] I Irland er arten verna gjennom forskrifta Flora (Protection) Order, 2015,[15] og på den irske raudlista har han status som nær truga (NT).[16]

I Estland (estisk namn sookäpp) veks myggblom spreidde stader over heile landet og er rekna som sårbar (VU).[17] I Latvia (latvisk namn purva sūnene)[18] veks arten ganske spreidd og er klassifisert som sjeldan (kategori 3 – samazinās).[19] I Litauen (litauisk namn pelkinė laksva) veks arten no særleg i søraust og i vest. Han er rekna som sterkt truga (EN).[20][21]

I Benelux er arten (nederlandsk namn veenmosorchis, fransk namn épipactis des marais) i svært sterk tilbakegang i Nederland. Det same gjeld i Belgia, der han no berre har einskilde veksestader både i Flandern og Vallonia.[22][23] I den nederlandske raudlista er rekna som sårbar (CR, ernstig bedreigd).[24] I Belgia er han òg rekna som kritisk truga både i Flandern (CR, ernstig bedreigd) og i Vallonia (CR, menacé d'extinction).[25][26] Arten finst ikkje i Luxembourg.

Referansar

endre
  1. ↑ «Artsdatabanken: Artsopplysningar myggblom». Artsdatabanken. Henta 26. februar 2022. 
  2. ↑ Johannes Lid (1944). Norsk flora. Oslo: Det Norske Samlaget. s. 69–70. 
  3. ↑ Johannes Lid (1952). Norsk flora (2. utg.). Oslo: Det Norske Samlaget. s. 218. 
  4. ↑ «Artsdatabanken: Namnetre myggblom». Artsdatabanken. Henta 26. februar 2022. 
  5. ↑ «Artskart: Myggblom, registrerte funn etter 2010». Artsdatabanken. Henta 26. februar 2022. 
  6. ↑ «Raudlista: Myggblom». Artsdatabanken. 24. november 2021. Henta 26. februar 2022. 
  7. ↑ «Artfakta naturvård: Hammarbya paludosa myggblomster». Artdatabanken. Henta 6. mars 2022. 
  8. ↑ «Naturbasen: Hjertelæbe Hammarbya paludosa». Naturbasen. Henta 6. mars 2022. 
  9. ↑ «LAJI: Hammarbya paludosa». LAJI.FI. Henta 6. mars 2022. 
  10. ↑ Manna Maria Fosaa mfl. (2005). «Reyðlisti. Náttúrulýsing lendi og sløg» (PDF). Føroya Náttúrugripasavn. 
  11. ↑ «GB Red List for vascular plants (revised Feb 2021)». Botanical Society of Britain & Ireland. 2021. Henta 9. mars 2022. 
  12. ↑ «A Vascular Plant Red List for England» (PDF). Botanical Society of Britain & Ireland. 2014. Henta 9. mars 2022. 
  13. ↑ «A Vascular Plant Red Data List for Wales / Rhestr o Blanhigion Fasgwlaidd Data Coch ar gyfer Cymru». Plantlife Wales. 2008. Henta 9. mars 2022. 
  14. ↑ «Scottish Biodiversity List». Scotland's Nature Agency / Buidheann Nàdair na h-Alba. 2020. Henta 9. mars 2022. 
  15. ↑ «S.I. No. 356/2015 - Flora (Protection) Order, 2015.». Irish Statute Book. 2015. Henta 9. mars 2022. 
  16. ↑ «Ireland Red List No. 10: Vascular Plants» (PDF). National Parks & Wildlife Service. 2016. Henta 9. mars 2022. 
  17. ↑ «eElurikkus: Hammarbya paludosa» (på estisk og engelsk). Tartu Ülikool (Tartu universitet). Henta 4. februar 2023. 
  18. ↑ «Latvijas daba: purva sūnene» (på latvisk). Enciklopēdija «Latvijas Daba». Henta 4. februar 2023. 
  19. ↑ Torleif Ingelög, Roger Andersson og Martin Tjernberg, red. (1993). Red Data Book of the Baltic Region (på engelsk). Swedish Threatened Species Unit. Uppsala in co-operation with Institute of Biology, Riga. s. 25-68. ISBN 91-88506-00-2. Henta 4. februar 2023. 
  20. ↑ Zigmantas Gudžinskas, Mindaugas Ryla (2006). Lietuvos gegužraibiniai (Orchidaceae) – Orchids (Orchidaceae) of Lithuania (på litauisk). Botanikos instituto leidykla. s. 88-89. ISBN 9986-662-28-1. Henta 4. februar 2023. 
  21. ↑ Valerijus Rašomavičius, red. (2021). Lietuvos raudonoji knyga / Red Data Book of Lithuania (PDF) (på litauisk og engelsk). Aplinkos ministerija (Miljødepartementet). s. 408. ISBN 978-9955-37-230-1. Henta 4. februar 2023. 
  22. ↑ «Verspreidingsatlas Vaatplanten: Hammarbya paludosa». FLORON. Henta 20. januar 2024. 
  23. ↑ «Verspreidingskaart: Veenmosorchis – Hammarbya paludosa». Waarnemingen.be. Henta 20. januar 2024. 
  24. ↑ «Rode Lijst Vaatplanten 2012» (PDF). FLORON. Henta 15. januar 2024. 
  25. ↑ «Rode Lijsten». Instituut voor Natuur- en Bosonderzoek. Henta 15. januar 2024. 
  26. ↑ «Liste des espèces wallonnes». Instituut voor Natuur- en Bosonderzoek. Henta 15. januar 2024. 

Bakgrunnsstoff

endre


Henta frå «https://nn.wikipedia.org/w/index.php?title=Myggblom&oldid=3537387»