Maria Bonnevie

Maria Bonnevie (fødd 26. september 1973) er ein norsk-svensk skodespelar. Ho har arbeidd med teater og film.

Maria Bonnevie
Maria Bonnevie
Fødd	26. september 1973 (51 år)
Fødestad	Västerås i  Sverige
Fødenamn	Anna Maria Cecilia Bonnevie
Aktive år	1991–
Verka som	Skodespelar
Mor	Jannik Bonnevie
Far	Per Waldvik
Ektefelle	Mikael Persbrandt (1998-2003)
Sambuar	Fredrik Skavlan (frå 2006)
Prisar	Amandaprisen for beste kvinnelige hovedrolle, Kanonprisen for beste kvinnelege hovudrolle, Amandaprisen for beste kvinnelige birolle, Gullruten for beste skodespelar

Anna Maria Cecilia Bonnevie vart fødd i Västerås som dotter av skodespelarane Jannik Bonnevie og Per Waldvik. Bonnevie er utdanna ved Stockholm Scenskola (1997) og fekk si første teaterrolle i Den vite vikingen av Hrafn Gunnlaugson. I 1997 debuterte ho på den svenske teaterscenen Dramaten, i stykket Yvonne av Ingmar Bergman.

På filmlerretet debuterte Bonnevie i Kvitebjørn kong Valemon (1991) der Ola Solum hadde regi. Gjennombrotet hennar kom i Jerusalem (1997) regissert av Bille August, og seinare har ho mellom anna vore med i Insomnia (1997), Øyenstikker (2001) og Syndare i Sommersol (2001). For filmen Jeg er Dina (2002) mottok ho utmerking for beste utanlandske kvinnelege skodespelar ved filmfestivalen i Montreal.

I 2009 spelte Bonnevie den britiskfødte dronning Maud av Noreg i den norske TV-miniserien Harry & Charles. For rolla fekk ho Gullruten 2010.