Martin av Tours

Martin av Tours (316–8. november 337) var ein romersk-katolsk misjonær og biskop fødd i Sabaria (i dagens Ungarn). Han er vernehelgen for Frankrike.

Martin av Tours
Fødd	316
Fødestad	Szombathely
Daud	8. november 397
Dødsstad	Candes-Saint-Martin
Yrke	katolsk prest, soldat, katolsk biskop
Helgendag	11. november

Martin var romersk soldat då han let seg døype 18 år gammal. Sidan var han misjonær mellom keltarane i Gallia. I 361 grunnla han Ligugé-klosteret, det fyrste i Gallia. Ti år seinare vart han utnemnd til biskop i Tours. Nær byen grunnla han klosteret Marmautier, som var eit viktig kyrkjesentrum.

Martin vart dyrka som helgen allereie på 400-talet. Han var ein av dei fyrste ikkje-martyrar som vart helgendyrka, og vart av kong Klodvig I gjort til vernehelgen for frankar-kongane. Festdagen mortensdag, den 11. november, har teke opp i seg skikkar frå ein eldre heidensk haustfest.

Martin levde eit asketisk liv. Av kunstnarar vert han ofte framstilt gjennom ei scene der han som soldat delar kappa si i to med sverdet. Eine halvdelen av kappa gjev han så til ein naken tiggar. Kappa han sjølv hadde att, capella, er opphav til ordet kapell.