John Galsworthy

Galsworthy var son av ein velhavande familie. Han gjekk på privatskole i Harrow og studerte jus ved University of Oxford. I 1890 blei han skrankeadvokat men viste ikkje store interessa for yrket sitt, og reiste til sjøs der han blei kjend med den polsk-engelske forfattaren Joseph Conrad som vekte Galsworthy sin interesse for litteratur. Dei første verka sine gav han ut under pseudonymet John Sinjohn.

Galsworthy sitt første skodespel The Silver Box (1906) blei godt motteken. Same året skreiv han romanen The Man of Property, den første delen av suksess-serien The Forsyte Saga. I 1921 blei han den første presidenten i den internasjonale PEN-klubben. Galsworty døydde av ein hjernetumor i 1933.

Interessen for bøkene hans dabba av etter at at han døydde, men tok seg opp igjen etter TV-versjonen av Forsytesagaen, som NRK sende i 1967–1968.

Det mest kjende verket til Galsworthy er romanserien The Forsyte Saga med framhalda A Modern Comedy og End Of The Chapter.

Mange av verka hans inneheld kritikk av dei sosiale tilhøva i England, framfor alt det britiske klassesystemet. Fleire av romanane og dramaene skildrar, gjerne med ironi og kritisk brodd, materialismen til overklassane, storborgarskapen og adelen. Eit anna motiv han brukar fleire gonger er kvinner i ulukkelege ekteskap.

Romanane til Galsworhty utmerkar seg ved å vere stilreine og lettleste med truverdige karakterar og god dialogføring.

• Verk av og om John Galsworthy i katalogen til det tyske nasjonalbiblioteket
• John Galsworthy på nobelprize.org
• Textdøme og autografar på Gutenberg Project Australia
• E-bøker på Gutenberg Project Australia
• The Forsyte Saga som E-bok på Gutenberg Project Australia
• The Forsyte-Saga som fri lydbok på LibriVox