Hof
Hof er ein tidlegare innlandskommune nord i Vestfold fylke. I den tidlegare kommunen ligg Hof sentrum, Sundbyfoss og Eidsfoss, kjend for det nedlagde jarnverket Eidsfos Jernverk. Kommunen omfatta den sørlege delen av den store innsjøen Eikeren (19 moh.) med vassdraget ovenfor til Hillestadvannet (37 moh.), i tillegg til dei skogkledde åsane på begge sider. Desse når sørvest for Eikeren Vestfjellet, som er det høgste punktet i Vestfolds på 634,04 moh. «Vassvegen» med vatna Hillestadvannet, Haugestadvannet, Bergsvannet og Eikeren har vore eit gammalt fløytingsvassdrag. Av arealet kommunen utgjorde på 164 km², er 129 km² skogsareal, 15 km² jordbruksareal og 15 km² vasspegel.
Kommunevåpenet blei godkjent i 1992 og har tre gull sjøblad, 2 over 1, mot ein raud bakgrunn. Våpenet symboliserer vassliljene som finst i dei mange vatna i den tidlegare kommunen.
Hof kommune blei slått saman med Holmestrand kommune 1. januar 2018.[1]
Samferdsel
endreFylkesveg 35 (Gardermoen–Hønefoss–Tønsberg) går langs Eikeren på austsida og vassdraget sørover. Fylkesveg 32 (Hillestad–Hvittingfoss–Skien) kryssar Fylkesveg 35 i Sundbyfoss. Frå Åskrysset på Europaveg 18 går Fylkesveg 32 til Sundbyfoss. Elles går fylkesvegar sørover via tettstaden Andebu til Tønsberg (Fylkesveg 312) og nordaustover til Sande (Fylkesveg 319). Fylkesveg 35 sørover og fylkesvegane 32/315 følgjer delvis traseane til dei smalspora jarnbanene Tønsberg–Eidsfoss og Holmestrand–Hvittingfoss, som blei lagt ned i 1938.
Bilete
endre-
Hof mellomalderkyrkje
Foto: Trond Strandsberg
-
Radiomaster på Skibergfjell i Hof
-
Eidsfoss hovudgard
Foto: Robert E. Haraldsen
Kjelder
endre- ↑ «Forskrift om sammenslåing av Hof og Holmestrand kommuner». Lovdata. 18. mars 2016. Henta 25. januar 2018.
- Geir Thorsnæs og Sten Lundbo (1.1.2018). «Hof – tidligere kommune». Store norske leksikon. Henta 3. januar 2018.