Heroin

Heroin, òg kjend som diamorfin og diacetylmorfin, er eit alkaloid opioid. Heroin er eit 3,6-acetylderivat av morfin.

Heroin er i dag mest kjend som eit vanedannande rusmiddel, men vert òg nytta som smertestillande lækjemiddel til bruk i kreftsjukdommar og i akutt hjartesvikt, blant anna i Storbritannia.

Heroin vert ikkje nytta klinisk i Noreg, men Helse Bergen søkte i 2013 om å nytte heroin for eit lågt tal pasientar som ikkje fann behandlingseffekt av ordinære LAR-medikament.^[1]

Stoffet står på dopinglista til antidoping-byråa WADA og Antidoping Norge.