Fiat

Fiat er eit merkenamn som høyrer til bilprodusenten Fabbrica Italiana Automobili Torino basert i Torino i Italia. Namnet er eit akronym laga av det italienske namnet: Fabbrica Italiana Automobili Torino. Det stavar også det latinske ordet fiat som tyder 'lat det bli', eit uttrykk for håp og styrke som i fiat lux, 'lat det bli lys'. Verksemda vart starta av Giovanni Agnelli i 1899. Ho omsette for 35,88 milliardar euro i 2010.

Fabbrica Italiana Automobili Torino (FIAT)
Org.form	S.p.A.
Bransje	Bilindustri
Skipa	11. juli 1899
Eigenandel i	Innocenti
Hovudkontor	Torino
Land	Italia
Produkt	bil
Grunnleggjar(ar)	Giovanni Agnelli
Adm.dir.	Olivier François (2011)[1]
Nettstad	https://www.fiat.com/ (engelsk)

Frå slutten av 1960-åra har Fiat kjøpt eller vunne kontroll over ei rekke selskap, mellom anna:

• Bilprodusentar: Ferrari, Lancia, Alfa Romeo og Maserati.
• Nyttekjøretøy: OM og Iveco.
• Landbruksmaskiner: New Holland og det canadiske merket Flexy-Coils.
• Anleggsmaskiner: produsert av Fiat-Hitachi Construction og New Holland Construction.
• Bussar: Fiat, Iveco og Irisbus.
• Flyindustri: fly og relaterte komponentar vert produsert av FiatAvio, som også kontrollerer EVL, som driv med romindustri.
• Militære køyretøy.
• Komponentar: den største, italienske komponentprodusenten, Magneti-Marelli er eigd av Fiat og i sin tur eig denne verksemda merke som Carello, Automotive Lighting, Siem, Cofap, Jaeger, Solex, Veglia Borletti, Vitaloni, Automotive Lighting og Weber.
• Stålverk og metallurgi: Fiat eig Teksid.
• Forlag, publisering, media: Fiat-gruppa er også eigar av forlag som La Stampa, Itedi og Italiana Edizioni. Gruppen eig også fleire riks- og lokalaviser eller kontrollerer dei gjennom ulike selskap.
• Finansielle tenester: Eit viktig forsikringsselskap, Toro Assicurazioni, gjev Fiat ei kontrollerande marknadsposisjon.
• Bygg/anlegg: Ingest Facility og Fiat Engineering arbeider på ei rekke ulike sektorar, og IPI er eit formidlingsselskap som også driv med eigedomsforvaltning og drift.
• IT: Fiats verksemd på denne sektoren skjer gjennom ICT - Information & Communication Technology, Espin, Global Value, TeleClient, Atlanet.

Fiat eig også skianlegga i Sestrieres (denne byen i Alpene er skapt av Agnelli-familien).