Eidsvoll

Eidsvoll i Eidsvoll kommune på Romerike i Akershus er eit geografisk namn som er sett saman av ordet eid, som her opphavleg galdt ein ferdsleveg langs Sundfossen i elva Vorma sør for tettstaden Sundet, og ordet voll i tydinga eng.

Eidsvoll/Sundet
tettstad
Land	Noreg
Fylke	Akershus
Kommune	Eidsvoll
Areal	4,5 km²
Folketal	6 672  (2023)
Folketettleik	1 483 / km²
Postnummer	2080 EIDSVOLL
Innbyggjarnamn	eidsvolling
Preposisjon	på Eidsvoll/Sundet
Eidsvoll 60°19′42″N 11°15′30″E / 60.3283°N 11.2583°E / 60.3283; 11.2583
Wikimedia Commons: Eidsvoll (village)

Namnet Eidsvoll vert nytta om kommunen, og dessutan ofte om tettstaden Sundet, eller òg det området i kommunen på båe sider av Vorma som femner om tettstaden Sundet, jarnbanestasjonen og kyrkja. Området som lokalt har namnet Eidsvoll Verk, staden der Eidsvollsbygningen ligg og grunnlova vart vedteken i 1914, vert i nasjonal samanheng òg omtalt som Eidsvoll; «grunnlova vart vedteken på Eidsvoll».

Tettstaden Sundet, eller Eidsvoll sentrum, er administrasjonssenteret i kommunen med 6 672 innbyggjarar per 1. januar 2023. Tettstaden ligg på austsida av elva Vorma, nord for Sundfossen, på den andre sida av elva i høve til Eidsvoll kyrkje og den no nedlagde Eidsvoll jarnbanestasjon på Hovedbanen og den nye Eidsvoll stasjon på Gardermobanen, om lag 3 km frå stasjonen.

Sundet var opphavleg namnet på ein tidlegare gard attmed Vorma, rydda i gamalnorsk tid. Denne garden, med matrikkelnummer 16, vart skilt ut frå garden Vilberg då Sundet vart fast ferjestad for trafikk over Vorma, før den gamle Sundbrua over elva vart bygd. No er det bygd ei ny vegbru i betong nokre hundre meter lenger sør, om lag der Andelva frå Hurdalsjøen renn ut i Vorma. Den gamle brua, som er i stål, er teken vare på som bru for fotgjengarar og syklistar.