Bruce Willis
Walter Bruce Willis (fødd 19. mars 1955) er ein tysk-amerikansk skodespelar.
| Bruce Willis | |||
 Bruce Willis i 2003 | |||
| Fødd | 19. mars 1955 (69 år) | ||
|---|---|---|---|
| Fødestad | Idar-Oberstein i Rheinland-Pfalz i Vest-Tyskland | ||
| Fødenamn | Walter Bruce Willis | ||
| Aktive år | 1980- | ||
| Verka som | fjernsynsskodespelar, filmskodespelar, songar, skodespelar, stemmeskodespelar, ansvarlig produsent, filmprodusent, manusforfattar | ||
| Ektefelle | Demi Moore (1987-2000) Emma Heming (2009-d.d.) | ||
| Born | Rumer Willis, Scout Willis, Tallulah Willis | ||
| Prisar | kommandør av Ordre des Arts et des Lettres, Golden Globe Award for beste skuepspiller i en musikalsk eller komisk tv-serie., Golden Raspberry Award for verste manuskript, Primetime Emmy Award for Outstanding Lead Actor in a Drama Series, Beste mannlige gjestesopptreden i en komedieserie, stjerne på Hollywood Walk of Fame, Officier des Arts et des Lettres | ||
Willis vart fødd på ein militærbase i Idar-Oberstein i dåverande Vest-Tyskland. Faren hans var amerikansk og mora tysk. Willis voks opp i Penns Grove i New Jersey. Sidan flytta han til New York for å bli skodespelar. Den første større rolla hans var i TV-serien Moonlighting (1985-89). Det store gjennombrota hans kom med filmen Die Hard.
Gjennom 1990-talet etablerte Willis seg som blant dei store stjernene i Hollywood. Han var allsidig og medverka i reine underhaldningsfilmar som Døden kler henne og Striking Distance, og dessutan biroller i «smalare» filmar som Pulp Fiction og Nobody's Fool. Willis har òg medverka i ei rekkje kritikarroste filmar, som blant anna Den sjette sansen, Twelve Monkeys og Sin City.
I 2006 fekk Bruce Willis si eiga stjerne på Hollywood Walk of Fame.
Willis var gift med skodespelaren Demi Moore frå 21. november 1987 til 18. oktober 2000. Willis og Moore fekk tre born i løpet av ekteskapet: Rumer Glen Willis (fødd 1988), Scout LaRue Willis (1991) og Tallulah Belle Willis (1994).
Willis gifta seg på nytt med Emma Heming 21. mars 2009.
Musikk
endreSeint på 1980-talet debuterte Bruce Willis òg musikalsk, ved å gje ut albumet The Return of Bruno. Albumet selde overraskande bra, spesielt etter at singelen Respect Yourself kom inn på Billboard topp 5 tidleg i 1987. Willis hadde seinare to andre moderate hitar, og spelte inn eit anna album to år seinare, men har sidan halde seg unna musikken, med unntak av nokre få framferder ved einskilde Plant Hollywood-restaurantar.
Diskografi
endreFilmografi
endre- Kane & Lynch (2013)
- Pinkville (2011) William R. Peers
- The Last Full Measure (2010)
- A Couple of Dicks (2010)
- RED (2010)
- Gorillaz - Stylo Music Video (2010)
- Surrogates (2009) Agent Greer
- What Just Happened (2008)
- Assassination of a High School President (2008) Principal Kirkpatrick
- Planet Terror (2007) Lt. Muldoon
- Die Hard 4.0 (2007)
- Perfect Stranger (2007)
- Over hekken (originalt Over the Hedge) (2006) (stemme)
- 16 Blocks (2006)
- Lucky Number Slevin (2006)
- Sin City (2005)
- Hostage (2005)
- Ocean's Twelve (2004) (Cameo)
- Full pakke 2 (originalt The Whole Ten Yards) (2004)
- Tears of the sun(2003)
- Hart's War (2002)
- The Kid (2000)
- Unbreakable (2000)
- Full pakke (originalt The Whole Nine Yards) (2000)
- Den sjette sansen (originalt The Sixth Sense) (1999)
- Armageddon (1998)
- Kodenavn Mercury (originalt Mercury Rising) (1998)
- Sjakalen (originalt The Jackal) (1997)
- Det femte element (originalt The Fifth Element) (1997)
- 12 Monkeys (1996)
- Die Hard i New York (originalt: Die Hard - with a Vengeance) (1995)
- Pulp Fiction (1994)
- Døden kler henne (originalt Death Becomes Her) (1992)
- The Last Boy Scout (1991)
- Hudson Hawk (1991)
- The Bonfire of the Vanities (1990)
- Se, hun snakker også (originalt Look Who's Talking Too) (1990) (stemme)
- Die Hard 2 (originalt Die Hard 2: Die Harder) (1990)
- Se, han snakker (originalt Look Who's Talking) (1989) (stemme)
- Die Hard (1988)
Willis har hatt ei mindre gjesterolle i TV-serien Venner for livet som «Paul Stevens», far til kjærasten til «Ross», «Elisabeth», og etter kvart som kjærasten til «Rachel» (i sesong 6 i 2000))
Andre opplysningar
endreWillis overtok som programleiar i The Late Show for ein sjuk David Letterman 26. februar 2003. Dette var den første sjukedagen til Letterman på 20 år, bortsett frå då han var borte for hjartekirurgi (Willis skulle eigentleg vere gjest i programmet).